![\"\"](http://undesten.mn/uploads/posts/2016-06/1465791548_img_6833_1.jpg "\\"\\"")
Баянгол дүүргийн АН-аас УИХ, НИТХ-ын сонгуульд өрсөлдөж байгаа \”Шийдлийн баг”-ийнхан Сурталчилгааныхаа нээлтийг хийснийхээ дараа I хорооныхоо иргэд, сонгогчидтой уулзлаа. Энэ үеэр УИХ-ын 69 дүгээр тойрогт нэр дэвшигч С.Эрдэнэ хэлэхдээ \”Сонгуулийн хугацаанд иргэдтэй хийх хамгийн анхны уулзалтыг дүүргийн нэгдүгээр хорооныхонтойгоо хийж эхлүүлж байна. Бид дөрвөн жилийн өмнө буюу 2012 онд Баянгол дүүрэгт \”Шинэчлэлийн баг” нэртэйгээр УИХ-д 2 гишүүн, нийслэлд 4 төлөөлөгчөө дэвшүүлж байсан. \”Шинэчлэх үү Баянголчуудаа” гэсэн уриаг дэвшүүлж, өнгөрсөн 4 жил ажилласан.
Энэ хугацаанд бид Баянгол дүүрэгтээ нийгэм, эдийн засгийн хүрээнд тулгарсан олон арван асуудлыг шийдэхийн тулд зорьсон. Бид зорьсондоо хүрч чадсан гэж өнөөдрийн өндөрлөгөөс хэлэхэд үнэхээр бахархмаар байна. Энэ бүхнийг хийхэд манай Баянголчууд, дүүргийн нэгдүгээр хорооны иргэд та бүхний оролцоо, үүрэг асар өндөр байсан гэдгийг зориуд цохож хэлмээр байна. Бидний Баянгол дүүрэгт хийсэн бүтээн байгуулалт, хөрөнгө оруулалтын гол утга учир нь нэгдүгээрт, иргэдтэйгээ ойр, ил тод байж чадсаных, хоёрдугаарт бид багаараа хамтын шийдвэр гаргаж ажиллаж явсны үр дүн байсан. Хувь хүний үүрэг өндөр байх нь мэдээж ойлгомжтой. Гэхдээ монголчууд ярьдаг. \”Ганц хүн айл болдоггүй, ганц мод гал болдоггүй” гэж. Багийн зарчим, багийн шийдэл гэдэг бол ямагт илүү хүчтэй, оновчтой байдаг.
\”Олуулаа хэлэлцвэл буруугүй” гэж ярьдаг. Тийм учраас өнгөрсөн 4 жилд \”Шинэчлэлийн баг” маань бүх шатандаа хамтаараа шийдвэр гаргаж, хамтын тэр шийдвэрийг хэрэгжүүлэхийн төлөө хамтарч ажиллаж эхэлсэн. Энэ бол бидний амжилтын гол үндэс. Одоо бид \”Шинэчлэл”-ийг нэгэнт бий болгосон үндэс суурь дээр тулгуурлаад \”Шийдэл” рүүгээ орох цаг болжээ гэж харж байгаа. Нэг үгээр хэлбэл, ирэх дөрвөн жилд зөв оновчтой шийдэл, тэр шийдлийн хэрэгжилтийг хангах нь хамгийн чухал ажил. Тийм ч учраас бид \”ШИЙДЛИЙН багийг” та бүхэндээ илгээж байгаа юм. Баянгол дүүргийн АН-аас \”Шийдлийн баг”-аа ахалж байгаа хүний хувьд өнөөдөр дүүргийн нэгдүгээр хороонд УИХ-ын 67 дугаар тойрогт тодорхой туршлагажсан, дадлагажсан, энэ дөрвөн жилд парламентад онцгой үүрэг, өөрийн гэсэн өнгө имижийг бүрдүүлж чадсан Салдангийн Одонтуяа гишүүнээ та бүхэндээ илгээсэн. Мэдээж та бүхэн манай С.Одонтуяаг дэмжинэ гэдэгт итгэж байна. С.Одонтуяа маань ч та бүхний итгэлийг даана гэдэгт би огт эргэлзэхгүй байна.
Шийдлийн багийн нэг төлөөлөл маань манай С.Одонтуяа байгаа юм. Бас нэгэн төлөөлө бол Нййслэлийн иргэдийн хуралд өнгөрсөн 4 жил амжилттай ажиллаж, нийслэлийн энэ том бүтээн байгуулалт хөрөнгө оруулалтын ажлыг гардан зохион байгуулж чадсан Лхагвасүрэнгийн Нарантуяа төлөөлөгчөө та бүхэнд илгээж байна. Энэ хоёр чадалтай, сайхан бүсгүйг тосож авч, энэ хоёр төлөөллийг маань сонгож өгнө гэдэгт та бүхэнд итгэж байна. Бидний шийдлийн багийг дэмжинэ гэдэгт бас итгэж байна. Шийдлийн багийг дэмжсэнээр олон асуудлыг хамтдаа шийдэх болно. Баянгол дүүргийн хөгжлийн төлөө \”Шийдлийн баг”-аараа ажиллана. Тэр \”Шийдлийн баг”-ийнхаа идэвхтэй хоёр төлөөлөгчөө 1 дүгээр хороондоо илгээж байна.Сонголт тань мэргэн байх болтугай. Та бүхэндээ сайн сайхан бүхнийг хүсэн ерөөе” гэсэн юм.
Л.Нарантуяа:\”Шийдлийн баг”-ийн шийдлийн гарц \”5+” хөтөлбөр
Л.Нарантуяа \”5А” хөтөлбөрийн үргэлжлэл болсон \”5+” хөтөлбөрөө төнилцуулж байгаадаа баяртай байна. Энэхүү \”5+” ХӨТӨЛБӨР-т:
-Шударга нээлттэй засаглал-Баянголчууд бид нээлттэй засаглалыг жинхэнэ утгаар нь бий болгохын төлөө ажиллаж байна. Нийслэлийн нэгдсэн үйлчилгээний төвийг Дүнжингарав, Мишээл, Драгон төвүүдэд барьж байгуулж, 24 байгууллагын 453 үйлчилгээг иргэддээ хүргэж байна. Яг ийм загварын үйлчилгээний супермаркетыг илүү олон газар байгуулахыг зорин ажиллахаар төлөвлөөд байна.
Ил тод эдийн засаг-Иргэд бид өөрчлөн сайжруулахыг хүсэж байгаа зүйлээ өөрсдийн бодит оролцоотойгоор шийдэж чадвал жинхэнэ утгаараа нээлттэй засаглалыг бий болгож чадна. Бид эх хотын иргэд. Хотынхоо эдийн засаг, амьжиргааг дээшлүүлэхийн тулд ажиллана. \”Баянголд үйлдвэрлэв” бүтээгдэхүүний сүлжээг бий болгоно.
-Зам дагаж хөгжил ирдэг. Өнгөрсөн хугацааны \”Гудамж төсөл”-ийн үр дүнгээс үүнийг харж болно. Орон сууцны дунд шинэ гарц, шинэ магистрал шугамуудыг бий болгож ажиллана. Хермес худалдааны төвөөс Гурвалжингийн гүүр хүртэлх авто замыг бид шинээр барьж байгуулна. Мөн нийслэлчүүдийн хүсэн хүлээж буй \”Дугуйн зам”-ыг тавина. Нийслэлийн хэмжээнд бид 24,5 км-ийг барьж байгуулна. Мөн дүүрэгтээ \”Дугуйн зам” хөтөлбөрөө үргэлжүүлэн хэрэгжүүлнэ.
-Орчин үеийн орон сууц- Бид бүхний өмнө тулгамдаад байгаа нэг асуудал бол \”Угсармал орон сууц”-ны дулаалга, дээвэр шинэчлэлийн асуудал байгаа. \”Дулаан байвал мянган лан” гэдэг:. Бид олон мянган өрхийн угсармал орон сууцыг шинэчилснээр иргэдийнхээ өмч хөрөнгө болох орон сууцны үнэ цэнийг нэмэгдүүлж, насжилтыг уртасгана.
-Өнөөдөр бидний дунд өөрийн гэсэн орон сууцтай болж амжаагүй олон мянган иргэд байна. Тогтмол орлоготой хэрнээ урьдчилгаа төлбөрөө хуримтлуулж чадахгүй байна. Тэр иргэддээ бид \”Түрээсийн орон сууц”-ыг хэрэгжүүлэх бэлтгэл ажлыг хангаад бэлэн болоод байна.
-Иргэдийн дунд тулгамдсан нэг асуудал бол орон сууцных нь дунд барилга баригдчихдаг асуудал. Энэ бүхнийг бид таслан зогсоохоор төлөвлөгөөндөө тусгасан байгаа. –
Цахимаар иргэддээ газар олгох асуудлыг бид 52 байршилд олгохоор шийдвэрлэсэн. Энэ байршилд инженерийн дэд бүтцийг байгуулах ажлыг мөн төлөвлөөд байна. -Ногоон байгууламж бол нийслэл хотод маш хэрэгтэй байгаа. Бид ногоон байгууламжийг 5,5 дахин нэмэгдүүлж, дүүрэг бүр өөрийн гэсэн цэцэрлэгт хүрээлэнтэй болох төлөвлөгөөг мөн боловсрууллаа. Үүнээс гадна боловсролын салбарын төслүүдийг олныг хэрэгжүүлсэн. Үүнийгээ бид үргэлжүүлэн хэрэгжүүлнэ. Өнөөдөр цэцэрлэггүй байгаа бүх хорооддоо цэцэрлэг барихаар төлөвлөөд байгаа. Жишээ нь, \”Алтай” хотхонд бага сургууль, цэцэрлэгийн цогцолборыг байгуулах, \”Богд-Ар” хотхонд 240 хүүхдийн ортой хоёр цэцэрлэгийг барьж байгуулахаар шийдвэрлээд байна.
Ингээд иргэд та бүхэндээ \”Шийдлийн баг”-ийн шийдлийн гарц бүхний \”5+” хөтөлбөрийг дэмжиж, хороо дүүргээ хамтдаа хөгжүүлэхийг уриалж байна.
С.Одонтуяа: Бидний санаачлан батлуулсан бүх хууль хүний хөгжил рүү чиглэсэн
Баянгол дүүргээ төлөөлөн УИХ-д сонгогдсон С.Эрдэнэ гишүүн бид хоёр өнгөрсөн хугацаанд олон сайхан хууль санаачилж, батлууллаа. Бидний санаачилсан бүх хууль хүний хөгжил рүү чиглэсэн хууль эрх зүйн орчинг бүрдүүлсэн гэдгийг онцолж хэлмээр байна.
Тухайлбал, Эрүүл мэндийн даатгалын хууль, Эмнэлгийн тусламжийн хууль, Хүүхдийн эрх, хүүхэд хамгааллын хууль, Гэр бүлийн хүчирхийллийн хууль, Хог хаягдлын менежментийн тухай хууль, Хотын дахин төлөвлөлтийн хууль, Хамтын тэтгэврийн хууль гээд олон сайхан хуулиудыг С.Эрдэнэ гишүүн бид хоёр багаараа УИХ-д санаачилж, батлуулж чадсан байгаа. Мөн бидний хийсэн бүтээн байгуулалт бүхэн бас л хүний хөгжил рүү чиглэсэн. Хүүхэд гэр бүл хөгжлийн ордон, Усан спорт цогцолборын төв, Гэр бүл хөгжлийн ордон, Ахмадын ордон гээд бүх л хүмүүсийн амьдралын чанарыг дээшлүүлэх, амьдрах орчныг сайжруулахад чиглэсэн байгаа.
Т.Санчир: Илүү их амжилтыг гаргаарай
Би Баянгол дүүргийн нэгдүгээр хорооны иргэн. Залуусаа төлөөлөөд \”Шинэчлэлийн баг”-ийнхандаа талархсанаа илэрхийлэх гэсэн юм. Би хувьдаа сагсан бөмбөгийн спортоор хичээллэдэг. Сагсан бөмбөгийн спорт бол багийн спорт. Багийн спорт бол \”багаар ажиллаж, хамтын хүчээр амжилтад хүрдэг” гэсэн зарчимтай. Баянгол дүүргийн ардчилсан намын мөрийн хөтөлбөр энэ зарчмыг баримталж, багаар ажиллахын ач холбогдлыг сурталчилж байгаад баяртай байна. Ингээд та бүхэндээ багаар ажиллаад илүү их амжилтыг гаргаарай гэж хүсэх байна. \”Ажилласан жилийн нэмэгдлээ бодуулаагүй хүн Монголын өрхүүдэд байхгүй байх”Баянгол дүүргийн 1 дүгээр хорооны иргэн н.ГалбаатарЮуны өмнө С.Эрдэнэ, С.Одонтуяа гишүүн нартаа баярлалаа.
Монголын маань олон мянган иргэдэд та бүхний боловсруулсан хууль дүрэм чинь үйлчилж байгаа шүү. Ажилласан жилийн нэмэгдлээ нэмүүлээгүй хүн Монголын өрхүүдэд байхгүй байх. Үнэхээр гайхалтай баяртай гэхээс өөр юу хэлэх билээ. Дүүрэг хороодод ийм их ажил хийсэн баг хамт олон байхгүй. Хийсэн юмтай, хэнээс ч эмээхгүй баг болсон та бүхэндээ бас дахин баяр хүргэе. \”Бид чадлаараа дэмжинэ”Баянгол дүүргийн 1 дүгээр хорооны иргэн н.Цэцэгээ:Манай шинэчлэлийн багийнхан \”5А” хөтөлбөрийг дүүрэгтээ, улсдаа маш амжилттай хэрэгжүүлсэн. Шат, шатандаа та нарынхаа хийсэн бүтээсэн хөрөнгө оруулалтыг хүртэж байгаа. Та нараараа бахархаж байна. Та нартаа баярлаж байна. Дараагийн 4 жилдээ өшөө их ажлыг хийхийг төлөвлөсөн байгаа юм байна. Үүнд чинь иргэд бид чадлаараа дэмжинэ, хамтарч ажиллана. \”Шинэчлэлээс шийдэл рүү” явж байгаа багийн хамт олон маань маш их хүчирхэгжиж ирсэн. Жишээлбэл, манай С.Эрдэнэ гишүүн, С.Одонтуяа гишүүн, Л.Нарантуяа төлөөлөгч дээр нэмэгдээд З.Энхболд дарга маань орж ирсэн, Д.Оросоо дарга маань орж ирсэн. Ийм учраас \”Шинэчлэлээс шийдэл рүү” гэсэн энэ хүчирхэг багаа дэмжихийг иргэн хүний хувьд бусаддаа уриалж байна.
Эх Сурвалж: С.Эрдэнэ, Сонгуулийн штаб
