Талийгаач Л.Б-тай хамт 48 цаг хоригдсон Салхитын ордтой холбоотой 4 хүн хэн хэн байсан бэ? Өнгөрсөн Баасан гаригт АТГ-аас Салхитын мөнгөний ордын авлигалтай холбоотой байж болзошгүй 5 хүнийг Хорих 461-р ангид 48 цагийн хугацаатай хорьсон. Эдгээрээс шүүгч асан, 68 настай Л.Б амиа хорлосон байдалтайгаар нас барсан билээ. Түүнийг Салхитын ордтой холбоотой маргааныг хууль шүүхээр шийдвэрлэхэд авлигалын хамжигчаар оролцсон байж болзошгүй гэсэн үндэслэлээр сэжигнтээр саатуулж хорьсноо АТГ-аас мэдэгдсэн. / Хахуулын мөнгийг бусдад зуучилсан байх магадлалтай.
Шүүгч асан,талийгаач Л.Б-тай хамтдаа 461-р ангид хоригдсон хүмүүс бол
1.Ш.Мөнгөншагай
2.Ц.Өнөрцэцэг
3.С.Оюунбат
4.Д.Баттулга нар юм.
Ш.Мөнгөншагай гэж хэн бэ?
Ш.Мөнгөншагай нь өнгөрсөн жилийн улсын наадмын их насны түрүү морины уяач. Тэрээр Салхитын мөнгөний ордын 3 лиценз эзэмшигч “Жи Фи Эф ” компаниа 2012 онд БНХАУ-ын “Си Си Эм Икс ”компанид 2 тэрбум орчим төгрөгөөр худалдсан. Түүнээс лицензийг худалдаж авсан Чен Бангфа /Ван хэмээх Хятад иргэн / 2016 онд эх орон нэгт Хятад хөрөнгө оруулагчтайгаа муудалцаж, гүйцэтгэх захирлын албан тушаалаас халагдсан. Тэрээр анх лицензийг түүнд зарсан Ш.Мөнгөншагайтай нийлж шүүхэд нэхэмжлэл гаргасан. Г.Мөнгөншагай: “ 2012 онд Жи Фи Эф” компанийг зарах гэрээнд 60 хувийн хувьцаа эзэмшигч би гарын үсэг зураагүй, Миний гарын үсгийг хуурамчаар зурсан “ гэсэн үндэслэлээр шүүхдсээр “Жи Фи Эф” компанийг 2017 онд лицензийн хамт буцааж авч, “Амин билигт” компанид шилжүүлж авсан байдаг. Ингэхдээ шүүх, хууль хяналтын байгууллагынханд асар их авлигал өгсөн байх магадлалтай гэж үзээд түүнийг шалгаж байгаа.”Жи Пи Эф” компанийг Ш.Мөнгөншагайтай хамтран эзэмшиж байсан хүргэн дүү Г.Жаргалангийн гэрээс мөрдөн байцаагчид 1,3 сая доллар бэлнээр хураан авсан билээ.
Ц.Өнөрцэцэг гэж хэн бэ?
2012 онд Ш.Мөнгөншагай, Г.Жаргалан нарыг “Жи Фи Эф” компаниа БНХАУ-ын иргэн Чен Бангфа-д зарахад зуучилсан хүмүүсийн нэг. Салхитын ордыг зарсны төлбөр болох 800,000 долларыг Хятадуудаас Ш.Жаргалан, Ш.Мөнгөншагай нар Ц.Өнөрцэцэгийн дансаар дамжуулан хэд хэдэн удаагийн шилжүүлгээр авсан байдаг .Чен Бангфа-г Салхитын мөнгөний ордын гүйцэтгэх захирлаар ажиллаж байх үед Ц.Өнөрцэцэг “Жи Фи Эф” ХХКий гүйцэтгэх захирлын нэрээр Гаалийн төв лаборатори, “Улаанбаатар төмөр зам нийгэмлэг” зэрэгт өөрийн нэрээр албан бичиг явуулж, гарын үсэг зуран БНХАУ-ын Эрээн хотын “Хэн Тун ” худалдааны компанитай хүдэр борлуулах гэрээ байгуулан, Чойр дахь “УБ транс” ХХК-ийн Гаалийн баталгаат талбайд буулгасан мөнгөний хүдрийг худалдан борлуулсан байдаг ч уг орлого хэн рүү орсон нь тодорхойгүй байдаг.
С.Оюунбат гэж хэн бэ?
Ц.Өнөрцэцэгийн төрсөн хүү Т.Гансүхийн найз бөгөөд “Жи Фи Эф” ХХК-д Чен Бангфагийн үед ажиллаж байсан. Ш.Мөнгөншагайгаар шүүхэд нэхэмжлэл гаргуулж, “Жи Фи Эф” компанийг Салхитын лицензийн хамт эргүүлэн авсан Чен Бангфа нар “Жи Фи Эф” ХХК-ийн хувьцаагаа БНХАУ-ын хөрөнгө оруулалттай “Амин билигт ” ХХК-д шилжүүлж,гүйцэтгэх захирлаар нь С.Оюунбатыг томилсон байна.
Дэлгэрэнгүй мэдээллийг Сэтгүүлч Баасанжавын Отгон хуудаснаас унших боломжтой.
