Баянгол дүүргийн 20 дугаар хорооны нутаг дэвсгэрт үйл ажиллагаа явуулдаг “Хар хорин” худалдааны төвийн ажилтан, алба хаагч, лангуу түрээслэгч, иргэдэд халаасны хулгайн гэмт хэргээс урьдчилан сэргийлэх ажил, шинэчлэн батлагдсан хууль тогтоомжийг сурталчилах талаар сургалт, зөвлөгөөнийг Нийслэлийн цагдаагийн газрын Мөрдөн шалгах газрын Халаасны хулгайн гэмт хэрэгтэй тэмцэх хэлтэс, Урьдчилан сэргийлэх хэлтсүүдтэй хамтран зохион байгууллаа.
2019 оны гуравдугаар сарын 1-ний өдрөөс тус худалдааны төвд хулгайлах гэмт хэрэг үйлддэг сэжигтэй этгээдүүдийн царай төрхийг таньдаг сүүлийн үеийн чанар, стандартын шаардлага бүхий CCTV телекамерыг тус худалдааны төвийн хүн ам ихээр төвлөрдөг үйлчлүүлэгчдийн хөдөлгөөний урсгал чиглэлийн дагуу байрлуулжээ.
Өнөөдөр “Хар хорин” захаар үйлчлүүлж байгаа иргэдэд төв хаалганы дагуу чиглүүлэн байршуулж хулгайлах болон бусад төрлийн гэмт хэрэг, зөрчлийг илрүүлэх ажиллагаанд ашиглаж байгаагаа танилцууллаа. Энэхүү камерыг суурилуулснаар хэргийн илрүүлэлтийн хурд нэмэгдэж, гэмт хэргийн тоо цөөрнө гэж үзэж байгаа аж.
“Хархорин” захад зүс таних боломжтой камер байрлуулжээ
}
Шинэ мэдээ
