Үндсэн хуулиар олгогдсон эрхийг минь 20 гишүүн л хасчихлаа

Өнгөрөгч долоо хоногийн пүрэв гарагийн үдээс хойшхи УИХ-ын нэгдсэн чуулганаар “Захиргааны ерөнхий хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд”-ийн эцсийн хэлэлцүүлгийг хийж баталлаа.
Энэхүү улсаа цөлмөх хуулийг батлах эсэх санал асуулгад УИХ-ын 38 гишүүн сууж байгаад хоёрхон хүний саналын илүүтэйгээр Монгол Улсын газар нутгийг ухах, цөлмөх, үүнд нь хэн ч саад болж чадахгүй байх тухай хуулийг баталчихлаа. Тэдгээр 20 гишүүний баталсан хууль бол маш аюултай хууль юм. Монгол Улсын Үндсэн хуулийн “Газрын доорх баялаг ард түмний мэдэлд байна” гэсэн заалтыг маш ноцтойгоор зөрчсөн Захиргааны ерөнхий хууль гэгчийг Хууль зүй, Дотоод хэргийн сайд Ц.Нямдорж өргөн барьж, УИХ-ын дарга Г.Занданшатар, Оюутолгойн ажлын хэсгийн дүгнэлтийг барьж гүйдэг Д.Дамба-Очир, хэргийн хөөн хэлэлцэх хугацааг багасгадаг Ш.Раднаасэд, “боорцог” М.Оюунчимэг, “ЖДҮ” Я.Содбилэг, Н.Учрал, Ц.Гарамжав, “салаавч” А.Сүхбат, Ховдын С.Бямбацог, Нямаагийн Энхболд, Шадар сайд Ө.Энхтүвшин, яруу найрагч Г.Мөнхцэцэг тэргүүтэй 20 гишүүн гар өргөн баталлаа.
Энэхүү хууль батлагдснаар Засгийн газар орд газруудыг ашиглах эрхийг дангаараа эдэлнэ. Ингэснээр иргэд Үндсэн хуулиар олгогдсон эрхээ эдэлж чадахгүйд хүрч байгаа юм. Иргэдийн гол ус, бэлчээр, эрүүл аюулгүй орчинд амьдрах эрх нь зөрчигдсөн үед тэд Засгийн газрын хууль бус шийдвэрийг эсэргүүцэж, шүүхэд хандаж, зөв, бурууг хэлэлцүүлэх боломжийг дээрх хуулиар хааж байгаа хэрэг юм.
Тиймээс эх орон, газар нутаг, иргэд түмнийхээ эсрэг, тэдний эрхийг хаасан шийдвэрийг гаргасан 20 гишүүнийг сайн хараад ав. Тэдэнтэй хариуцлага тооцох өдөр бидэнд тун удахгүй ирнэ. Зөвхөн тэдгээр 2 гишүүн биш уг хуулийн төсөл батлагдах гэж байгааг мэдсээр байж чуулгандаа ирж суугаагүй, ирц бүрдүүлээгүй, гишүүд ч бас хариуцлага хүлээх учиртай.
Захиргааны ерөнхий хуулийг батлахад оролцсон гишүүд
Зөвшөөрсөн 20/38                                                       Татгалзсан 18/38
Баттөмөр.Б                                                                      Амарзаяа.Н
Бат-Эрдэнэ.Ж                                                                  Баасанхүү.О
Бямбацогт.С                                                                    Баатарбилэг.Ё
Гарамжав.Ц                                                                    Болорчулуун.Х
Дамба-Очир.Д                                                               Ганболд.Д
Дэлгэрсайхан.Б                                                              Даваасүрэн.Ц
Занданшатар.Г                                                               Жавхлан.Б
Мөнхбаатар.Л                                                                Номтойбаяр.Н
Мөнхцэцэг.Г                                                                  Пүрэвдорж.Б
Нямдорж.Ц                                                                   Санжмятав.Я
Оюунчимэг.М                                                               Содбилэг.О
Раднаасэд.Ш                                                                 Солтан.Г
Содбаатар.Я                                                                 Тэмүүлэн.Г
Сүхбат.А                                                                       Ундраа.А
Тогтохсүрэн.Д                                                              Хаянхярваа.Д
Учрал.Н                                                                        Энх-Амгалан.Б
Цогтбаатар.Д                                                               Эрдэнэбат.Д
Чинзориг.С                                                                  Эрдэнэбат.Ж
Энхболд.Н
Энхтүвшин.Ө