Өнөөдөр УИХ дахь МАН-ын бүлэг хуваарийн дагуу хуралдаж иргэдэд Итгэлийн зээлийг олгох төслийг дэмжлээ. Энэхүү хууль нь “Иргэдэд барьцаа хөрөнгө шаардахгүй итгэлийн зээл олгоно” гэх 2016 оны мөрийн хөтөлбөрийн заалтыг хэрэгжүүлэх зорилгоор Засгийн газрын үйл ажиллагааны хөтөлбөрт суулгаж байгаа юм.
Монгол улсын нийт өрхийн 22 хувь нь ядуу гэсэн тооцоо байдаг. Иймээс иргэдийн хөдөлмөр эрхлэлтийг дэмжих, тэднийг тогтмол орлоготой болгох зорилгоор энэхүү хуулийг өргөн барьжээ. Иргэд барьцаа хөрөнгөгүйгээс болж хувийн бизнес эрхлэх боломжгүй байгаа учир тэдэнд ийнхүү барьцаа шаардахгүй, бага хүүтэй зээл олгож байгаа юм.
Банкнаас зээлдэгчдийн судалгаагаар иргэдийн 90 хувь нь 20 сая төгрөг хүртэл зээл авдаг. Тиймээс Итгэлийн зээлийн дээд хэмжээ 20 сая төгрөг байхаар тогтсон байна. Энэхүү хууль батлагдсанаар:
• Өрхийн аж ахуй, бичил бизнес эрхлэгчдийг дэмжих
• Өрхийн дундаж орлого нэмэгдэх
• Санхүүгийн боловсрол, сахилга бат нэмэгдэх ач холбогдолтой. Ямар нэг хугацаа хэтэрсэн зээлтэй, батлан даалт гаргаж гөгсөн хүнд зээлд хамрагдаж чадахгүй.
• Сүүлийн нэг жилд бизнес эрхэлж байсан. Өрхийн тогтвортой орлоготой иргэн зээл авах хүнд батлан даалт гаргаж өгнө.
Итгэлийн зээлийг 18 нас хүрсэн, Монгол Улсын иргэн зээл авч болно. Зээлээ хугацаандаа эргэн төлсөн тохиолдолд дарааагийн зээл авах боломж үүсэх юм. Зээлийн эргэн төлөлтийг төр хариуцах бөгөөд Төрийн банкаар дамжуулан жилийн 3 хувийн хүүтэйгээр олгохоор төлөвлөжээ.
