Юу монид \”дагздуулсан нь\”

 

\”Юу мони” карттай болсноор олон давуу
талтай гэж ярьж байсан албаны хүний үгс одоо ч ойд тодхон байна. Гэвч түүний
давуу талыг нэг их олж мэдрэхгүй л байна. Эсвэл би ганцаараа ийм мэдрэмжгүй
болчихсон юм болов уу.

 

Өмнө нь нэг автобусанд суугаад 500
төгрөгөө кондуктор аниад хураалгаад ажил руугаа ирж, очоод болдог байлаа. Зарим
өдөр аз таарвал туулайчилчих нь. Тэгсэн аниагийн оронд хар төхөөрөмжинд, 500
төгрөгний оронд \”юу мони” картаа уншуулаад явдаг болчихлоо. Гэхдээ тийм ч
тааламжтай санагдахгүй л байна.

Ядаж байхад өнөөх \”юу мони” нь хар
төхөөрөмж дээрээ их олон даруулах дуртай юм шиг байгаа юм. Автобусанд ороод л
ардаа баахан хүн оочерлуулж зогсоож байгаад дарахаар л \”та дахин дарна уу” гээд
л давтаж өгөхийг яана. Хүмүүс уурлаад л намайг бүтэлгүй амьтнаар дуудаад байх
юм. Юу мониг би зохион бүтээсэн биш дээ ямар.

Түүнээс гадна юу монитой болсноор ажил
руугаа ирэх гэж олон автобус дамжих шаардлагатай нүүр тулгарч, олон удаа бууж
сууснаас болоод хаана яваагаа, хаашаа явж байснаа мартах ч үе гарна. Эдийн
засгийн хувьд үнэндээ л сүйрэлд оруулж байна. Өмнө нь 500 төгрөгөөр зорчдог
байсан бол одоо нэг талдаа 1500-2000 төгрөгөөр зорчих нь энүүхэнд. Заримдаа
автобусны гэмтэл энэ тэрээс шалтгаалаад 4000 төгрөг хүрэх ч үе бий. Туулайчлах
тухай бодох ч хэрэггүй. Уг нь эхэн үед юу
монитой учраас уншуулаад, уншуулаад л байдаг байлаа. Тэгсэн энэ юу мони чинь
ёстой ханаж цаддаггүй шаар байна. Долоо хоногтоо 10000 төгрөг дотор хийх юм.
Тэр нь заримдаа хүрэхгүй. Тэгээд л автобус даяар \”таны дансны үлдэгдэл хүрэхгүй
байна” гээд л зарлаж орхино. Утсаар хүн рүү залгахаар \”таны нэгж хүрэхгүй байна”
гэхээр хэчнээн санаа зовдог билээ. Тэгвэл автобус даяар таныг төлбөрийн
чадваргүй гээд зарлачихна гээд бодоод үз. Ичсэн хүн чинь ямар \”энэ юу мони ч их
идэмхий юм байна аа. Ерөөсөө цадахаа мэдэхгүй байна. Би тэжээж дийлэхгүй байна”
гээд хэлэлтэй нь биш шилээ маажаад л буцаад буухаас аргагүй хүрч байгаа юм
чинь.

Тэрнээс гадна нэг автобусанд
уншуулчихвал дараагийн автобусанд үнэгүй зорино гээд зангиатай улсууд над
мэтийг нэлээн сайн хулхидсан юм шиг байгаан. Үнэгүй юманд нугасгүйгээрээ би
хамгийн түрүүнд тэр юу мониг авсныг хэлэх үү. Тэгсэн одоо амаа барьж, ёстой л
далаараа газар савуулж байна хө.

Уг нь манай \”баатар” дарга за гээд л
хэлчихвэл. Бид мэт нь дамжин суултаа үнэгүй хийгээд байх боломжтой юм байна лээ
л дээ. Гэвч юу мониг Хангүг улсаас үнэтэй авч ирсэн болохоор тэрнийхээ мөнгийг
гаргаж авах гэж хөөрхөн торгочихоод
байгаа нь энэ.

Өө нээрэн юу монитой болчихсон чинь
манай энүүгээр явдаг автобус байхгүй болчихсон шд. Сонин байгаа биз. Явах нь
явж байгаа юм. Гэхдээ манай байрыг тойроод л давхиад байх юм билээ. Би ямар
байр тойрох гэж юу монитой болсон биш. Тэгээд л дамжиж гарна даа. Яг л ганзагын
наймаачин шиг. Бодвол ганзагын наймаачин вогон вогон дамжаа л над шиг явж
байдаг байх даа.

За даа манай баатар дарга хэзээ
биднийхээ төлөө за гэж хэлэх юм байгаан. Тэр болтол тэлээнийхээ нүхийг багасгаж
цоолоод чангалж байгаад зүтгээд байж дээ. Юу монигоо хайрлах цаг ирэх байлгүй
дээ.

Амар