Наршсан үед яах вэ?

 

Хэрэв та гадаа халуун наранд ажилладаг бол наршихгүйн тулд юуны түрүүнд сүүдэр бараадаж ажиллах хэрэгтэй.

– Хэрэв халуун наранд ажиллаж байгаад наршсан бол амрах үедээ хэвтвэл толгой эргэж дотор муухайрна.

– Наршсан үед хагас сууж амрах нь дотор муухайрах, толгой эргэхээс сэргийлдэг.

– Хэрэв наршсан бол хүйтэн усанд норгосон алчуураар биеэ сайтар арч.

– Хэрэв наршсан бол толгой дээрээ хүйтэн жин тавь.

– Хэрэв наршсан бол духан дээрээ хүйтэн жин тавь.

– Хэрэв наршсан бол хүйтэн агаар үлээгчээ ажиллуул.

– Хэрэв наршсан бол цэв хүйтэн зүйл ууж болохгүй. Харин бүлээн юм уу.

– Наршсаны улмаас зүрх савлаж эхэлбэл тайвшруулах үйлчилгээтэй зүрхний эм уу.

– Наршсан үед нитро-глицерин уувал даралт хэт буурч дотор улам муухайрна.

– Хэрэв наршсан бол бие дээрдсэн ч гэсэн гэрээсээ гаралгүй хэвтэх нь дээр.

– Хэрэв наршсан шинж тэмдэг арилах нь бүү хэл халуурч, амьсгаадаж, дотор муухайрч, нүд эрээлжилж, бөөлжис цутгаж эхэлбэл нэн яаралтай эмчид хандаарай.

Нарны хордлого авсан хүнд хамгийн түрүүнд гэрийн нөхцөлд хэвтүүлээд, хөлийг нь бага зэрэг өндөрлөж, хөлнөөс нь сэрүүцүүлэхийн тулд сэнс тавьж болно. Мөн хүйтэн ус толгой дээрээс нь асгах, хүйтэн усанд бүх биеэр нь оруулах, нойтон алчуураар ороож, жин тавих зэрэг энгийн аргуудыг хэрэглэнэ.

Нарны хордлогын үед хүний бие шингэнээр дутагддаг учир цэвэр ус, хярам байн байн уух хэрэгтэй. Гэхдээ шингэнийг бага багаар уухгүй бол бөөлжиж мэднэ. Уух шингэний хэмжээ нь хордлого авсан хүний нас, биеийн жингээс хамааран харилцан адилгүй байдаг. Тухайлбал,1-З настай хүүхдэд 30-60 граммаар 20-30 минут тутамд, 3-7 настай бол 60-100 грамаар 30-40 минутад, 7-15-тай бол 100-200 граммаар 40-60 минутад, харин насанд хүрсэн хүн бол 200 граммаар 60-90 минут тутамд шингэн ууна. Нарны хордлого авсан хүн бөөлжих, гүйлгэх, даралт унах, толгой эргэх, нүд юм харахгүй болох, ухаан алдах зэрэг хүндрэл гардаг. Энэ үед гэрээр эмчлэх биш, эмнэлгийн яаралтай тусламж хэрэгтэй.