Мисс М.Цэвэлмаагийн хүмүүнлэгийн ажил топ 10-т шалгарлаа

“Дэлхийн мисс-2019” тэмцээнд эх орноо төлөөлөн оролцож буй мисс Мандахын Цэвэлмаагийн хэрэгжүүлсэн хүмүүнлэгийн ажил 130 орноос топ 10-т шалгарлаа.
Тэрбээр эрүүл мэндийн салбараа төлөөлж “Дэлхийн мисс”-ийн тэмцээнд оролцож буй бөгөөд Монгол Улсаас анх удаа хүмүүнлэгийн төсөл нь шилдэг 10-т багтаж байгаа юм.
М.Цэвэлмаа нь дэлхийн миссийн хүмүүнлэгийн ажлын хүрээнд, Монгол Улс дахь нас баралтын тэргүүлэх шалтгаан болох элэгний өвчлөлийг бууруулах, өвчний эрт илрүүлгийн үед оношлох зорилгоор “Эрүүл Монгол-Эрүүл Дэлхий” төслийг санаачлан хэрэгжүүлсэн байна.
Тухайлбал, элэг шилжүүлэн суулгах нэн шаардлагатай 17 настай охиныг хагалгаанд оруулж, хагалгааны дараах зардлыг хандивын аян өрнүүлэн бүрдүүлжээ. Мөн элэгний В,С вирусээс урьдчилан сэргийлэх зорилгоор 486 хүнийг вакцинд хамруулж, тус вирусыг халдварласан тохиолдолд даатгалын системийг бий болгох зэрэг үе шаттай ажлыг хэрэгжүүлсэн юм.
Дашрамд дуулгахад, тэрбээр мультимедиа буюу олон нийтийн санал асуулгын төрөлд Mobstar апплейкшнаар хоёрдугаарт, www.missworld.com сайтын санал асуулгаар тавдугаарт бичигдэж байна.
Хэрвээ олон нийтийн санал асуулгаар түрүүлвэл тухайн хэрэгжүүлсэн хүмүүнлэгийн ажил нь өргөн цар хүрээгээр Монголын нийгэмдээ хэрэгжих боломжтой аж.
www.missworld.com сайтаар хэрхэн саналаа өгөх вэ?
1.Та гар утас болон компьютерээс www.missworld.com хаяг руу нэвтэрч орно
2. Вэбсайтын баруун дээд буланд Log-in товчийг дарна.
3.Та вэбсайт руу Facebook, Instagram, Google хаягийн аль нэгээр нэвтэрнэ.
4. Vote хэсэг дээр дарж Tsevelmaa Mandakh гэж хайснаар оролцогчоо олно.
5. Vote товч дээр дарж саналаа өгнө.
Нэг хаягаар нэг л удаа саналаа өгөх боломжтой бөгөөд боломжит бүх хаягуудаа ашиглан олон санал өгөөрэй.
Дэлгэрэнгүй видеог эндээс үзнэ үү.
https://www.facebook.com/383766738347975/videos/2817927228246324/
Mobstar апплейкшн ашиглан хэрхэн саналаа өгөх вэ?
1. Та playstore эсвэл appstore- оос mobstar апплейкшныг хайж олон, утсандаа татаж суулгана.
2. Mobstar апплейкшныг суулгасны дараа өөрийн E-mail хаягаар нэвтэрнэ
3.Нэвтэрсний дараа баруун дээд буланд байрлах хайлтын хэсэгт Маndakh Tsevelmaa гэж латин үсгээр бүтэн бичээд people хэсгээс хайж, албан ёсны хаяг руу нэвтэрнэ.
4.Хаяг руу нэвтрэн ороод, profile зургийн дор байрлах follow товчийг дарж дагана.
5.Та зураг тус бүрт од дарах эсвэл зүүнээс баруун гар тийш татаж саналаа өгнө.
6.Та зургууд дор миссээ дэмжсэн сэтгэгдэл маш олныг үлдээхээ битгий мартаарай.
7.Таны өгсөн нийт саналын тоо, шалгаруулалтын дүнд шууд нөлөөлөх болно.