![\"\"](http://undesten.mn/uploads/posts/2016-10/1475721565_nano_petrovis.jpg "\\"\\"")
Засгийн газрын хуралдаанаар Сүхбаатар, Замын-Үүд, Алтанбулаг боомтоор оруулж ирэх автобензинд ногдуулах онцгой албан татварыг тонн тутамд 260 мянга, дизелийн түлшинд тонн тутамд 280 мянга, Эрээнцаваар оруулж ирэх автобензинд тонн тутамд 130 мянга, дизелийн түлшинд тонн тутамд 150 мянган төгрөг байхаар тогтоолоо.
Засгийн газар өнгөрсөн оны 11 дүгээр сард онцгой албан татварын хэмжээг хилийн үнэ, ваютын ханшны хэлбэлзэлтэй уялдуулан автобензинд тонн тутамд 400 мянга, дизелийн түлшинд тонн тутамд 520 мянган төгрөг байхаар тогтоосон байсан юм. Оны сүүлийн хагас жилээс ам.доллартай харьцах төгрөгийн ханш суларсантай холбогдуулан газрын тосны бүтээгдэхүүний худалдаа эрхэлдэг аж ахуйн нэгжүүдийн зардал өсч, жижиглэнгийн борлуулалтын үнэд өөрчлөлт оруулах нөхцөл үүссэн учир онцгой албан татварын хэмжээг ийнхүү шинэчлэн тогтоолоо.
Өөрөөр хэлбэл шатахуунд ноогдох албан татварыг бууруулсан ч ам.доллартой харьцах төгрөгийн ханш сул байгаа учраас жижиглэнгийн үнэд ямар нэг өөрчлөлт гарахгүй юм байна. Харин ханш тогтворжиж, төгрөг чангарвал шатахуун үнийг бууруулах боломжтой гэж харагдаж байна.
Үндэстэн агентлаг
