ДОТООДЫН ХАЛДВАР 439, НИЙТ БҮРТГЭГДСЭН ХАЛДВАР 887 БОЛООД БАЙНА
ХӨСҮТ-ийн Тандалт, судалгааны албаны дарга А.Амбасэлмаа “2020 оны 12-р сарын 6-ны өдөр ХӨСҮТ-ийн вирус судлалын хоёр, ЗӨСҮТ-ийн лаборатори, явуулын хоёр авто лаборатори, Дархан, Сэлэнгэ, Орхон, Дорноговь аймагт ажиллаж буй салбар лабораторид нийт 23,341 хүнд PCR шинжилгээ хийлээ. Үүнээс батлагдсан 38 тохиолдол илэрсний 32 нь Улаанбаатарт байна. Улаанбаатарт илэрсэн тохиолдлын гурав нь Цэргийн төв эмнэлэг, бусад 29 нь халдварын ойрын хавьтал хэмээн тусгаарлагдсан хүмүүс, тэдний гэр бүлд илэрсэн. Мөн Сэлэнгэд 2, Дорноговь 3, Орхон аймагт 1 тохиолдол шинээр нэмэгдэж, дотоодын халдварын тоо 439, манай улсад бүртгэгдсэн халдвар 887 болоод байна.
Батлагдсан тохиолдлоос 384 нь эдгэрсэн бол 494 нь эмчлэгдэж байна. Эмчлэгдэж байгаа хүмүүс дунд хоёр хүний биеийн байдал маш хүнд, таван хүний биеийн байдал хүнд, 71 хүний биеийн байдал хүндэвтэр байна.
Коронавирусийн халдвартай 3 сартай хүүхдээс 91 настай хүмүүс эмчлэгдэж байна. Тодруулбал, 0-9 насны 51 хүүхэд, 65-аас дээш насны 20 хүн байгаагаас 80, 81, 91 настай ахмад хүмүүс байна. Мөн эмчлэгдэж байгаа нийт хүмүүсийн 212 нь эмэгтэй, 282 нь эрэгтэй байна” гэлээ.
НИЙСЛЭЛИЙН ДОЛООН ДҮҮРЭГТ 128 ТОХИОЛДОЛ БҮРТГЭГДЭВ
Өнөөдрийн байдлаар Улаанбаатар хотод нийт 128 тохиолдол бүртгэгдээд байна. Халдварын тохиолдол долоон дүүрэгт бүртгэгдээд байгаа бөгөөд хороодыг харуулбал,
- Баянгол дүүрэгт /1, 2, 3, 4, 5, 6, 7, 8, 9, 10, 15, 18 дугаар хороо/ – 32
- Баянзүрх дүүрэгт /4, 8, 9, 10, 14, 22 дугаар хороо/ – 25
- Сүхбаатар дүүрэгт /1, 7, 11, 12, 13, 16, 17, 18, 19 дүгээр хороо/ – 26
- Сонгино хайрхан дүүрэгт /1, 7, 13, 16, 19, 20, 29, 30 дугаар хороо/ – 18
- Хан-Уул дүүрэгт /4, 10, 16, 21 дүгээр хороо/ – 18
- Чингэлтэй дүүрэгт /6, 7, 13, 16, 19 дүгээр хороо/ – 8
- Багануур дүүрэгт /4 дүгээр хороо/ –1 байна.
ЭМЧЛҮҮЛЖ БУЙ ХҮМҮҮСИЙН ДУНД МАШ ХҮНД ХОЁР ХҮН БАЙНА
Эдгэрсэн нийт 384 хүн байгаа бол ХӨСҮТ, Цэргийн төв эмнэлэг, Сэлэнгэ аймгийн нэгдсэн эмнэлэгт нийт 494 хүн эмчлүүлж байна.
Эмчлүүлж байгаа 494 хүнээс
- хөнгөн 416
- хүндэвтэр 71
- хүнд 5
- маш хүнд хоёр хүн байна.
ХӨСҮТ-ийн Халдвартын клиникт 273 хүн байгаагаас
- Хөнгөн-241
- хүндэвтэр -31
- хүнд- 1
Цэргийн төв эмнэлэгт 213 хүн байгаагаас маш хүнд хүн хоёр байна. Хоёр маш хүнд хүний нэгийнх нь биеийн байдал сайжирч байгаа бол нөгөө хүнийх нь бие тогтвортой байна.
- Маш хүнд-2
- Хүнд-4
- Хүндэвтэр-30
- Хөнгөн-167
Сэлэнгэ аймагт найман хүн эмчлүүлж байгаа ба тэдний биеийн байдал хөнгөн байна.
Улаанбаатар хотод шинээр халдвар илэрсэн, эрүүл мэндийн байгууллагын бус 29 хүн нь тусгаарлах байранд тусгаарласан хүмүүс байсан бөгөөд зургаан гэр бүлийн хүмүүсийн гурав дахь шинжилгээгээр илэрсэн байна. Бүгд гурван тусгаарлан ажиглах байранд байсан ойрын хавьтал болоод байсан хүмүүсээс гарсан. Эрсдлийн түвшингээ тодорхойлж байгаа бөгөөд үүн дээр үндэслэж ЭМЯ, ХӨСҮТ хөл хориог сунгах эсэх саналаа УОК-т хүргүүлэх юм байна.
