Хадаг, архи хоёрыг хадгалж чадвал хvнд эд мөнгө тогтдог

 

Монголчууд идээний дээдийг архи хэмээн дээдлэн таван зvйл хадаг, архийг хадгалваас буян хишиг тогтоно гэж бишрэн дээдэлж, хамгийн эрхэм хvндээ өргөн барьдаг заншилтай ард тvмэн. Гэтэл өнөөгийн монголчууд энэ сайхан ёсыг хөл дороо гишгэж зам дагуух гэрлийн шон, гvvр, хашаа, хаалганы бариул, гэрийн бvслvvрт хэрэглэх болсноос бид ёс заншлаа хэр сайн мэддэг, өвөг дээдсээ хэрхэн хvндэлдэг нь харагдаж байна. Хадаг нь найман тахилт, самбаа, Доржвандан, Ишваанжил, Аюуш гэсэн өөр өөр нэртэй, өнгө нь ч мөн өөр өөр утга билэгддэг.

Хадгийг угаах, индvvдэх, аливаа зvйлд алчуур болгож зохисгvй хандваас таны буян барагдаж, vйлс хазайж амарлингуй бус сэтгэл болон тэгш заяа тавилан vгvй болно.

Хадгийг хадгалахдаа аргамж сур, усгvй хар архины хамт хадгална. Аргамж сур нь малын заяа буяныг тогтооно, харин архи нь бусад бvх юмыг тогтооно гэсэн санааг агуулдаг. Монголчууд эрт дээр vеэс хадаг, архи хоёрыг насан туршдаа хадгалж чадвал тэр айлд эд хөрөнгө, мөнгө төгрөг тогтон улмаар өсч арвижин аз жаргалтай сайн сайхан амьдрана гэж vздэг байжээ.