Хөгжлийн бэрхшээлтэй иргэдээрээ “гангарах” боломж бий

Үйлдвэрлэлийн ослоор хөгжлийн бэрхшээлтэй болсон болон төрсөн хүмүүст төрийн өөр хайр хэрэгтэй байна. Тэдэнд сар бүр эм тарианы,
асаргааны, халамжийн мөнгө өгөхөөс илүү өөр үйлчилгээ хэрэгтэй. Бид
хөгжлийн бэрхшээлтэй иргэний явах зам, орох гарах хаалга, нийтийн тээврийн
үйлчилгээний тухай ярьдаг ч тэд юу хийж болох талаас нь асуудлыг хөнддөггүй.

Улс хөгжлийн бэрхшээлтэй иргэдэд үнэ төлбөргүйгээр гадаад
хэл, гар урлал, өрхийн үйлдвэрлэлийн сургалтанд хамруулдаг байя. Тэгээд
тэднээр иргэдэд хэрэгцээтэй, гар ажиллагаа ихтэй зүйлсийг хийлгэж орлогожуулая
л даа.

 

 

Жишээ нь бид төрийн болон хэвлэл мэдээллийн томоохон
орчуулгуудыг хийлгэдэг байх хэмжээний гадаад хэлний өндөр мэдлэг олгочихвол
цаашид орчуулгын ажлаар олон хүнийг ажилтай, орлоготой болгож чадна. Үүгээрээ бид
дэлхийн хамгийн анхны өндөр хэлний мэдлэгтэй хөгжлийн бэрхшээлтэй иргэдтэй орон
болж болно. Үүнийг харин \”дэлхийд” эерэгээр хүлээн авах байх. Орчуулгыг
үйлдвэрлэлийн ослоор хөгжлийн бэрхшээлтэй болсон иргэд л хийж чаддаг гэтэл нь
сургаж болно. Нэг үгээр тэднийг брэнд болгоё. Тэд ч гэр бүлдээ үнэ цэнэтэй,
орлоготой, хийсэн бүтээсэн зүйлтэй болж, амьдралын төлөө итгэл төгс тэмцэж
эхэлнэ.

Оюуны хувьд сурах
боломжгүй иргэдийг нь гар урлалаар төгс болгож бэлтгэн жижиг үйлдвэрлэл
эрхлүүлье. Түүгээрээ ч орлоготой, ажилтай болж өвчиндөө шаналах шаналал нь
багасна. Энэ мэт төрийн жинхэнэ хайр халамж хэрэгтэй болохоос биш сард өгдөг хэдхэн
төгрөг нь тийм ч чухал биш шүү дээ.

Төрөөс тэдэнд өндөр мэдлэгтэй багш нараар хангаж, үнэ төлбөргүй
сургах боломж бий. Тэд харин ч ажил голохгүй, голоод ч өөр ажил хийж
чадахааргүй бие бялдартай болсон хүмүүс учир сэтгэлийг нь сэргээх шинэ алхам болно.

 

Хөгжлийн бэрхшээлээс
нь хамаарч тэднийг ангилж болно. Жишээ нь: Харааны бэрхшээлтэй иргэдийг арай
өөр зүйлд сургаж эхлэх хэрэгтэй. Ер нь олон улсын туршлагаас харахад харааны
бэрхшээлтэй хүмүүс юм нэхэх, тоон дээр суурилсан гар ажиллагаатай зүйлсийг их
хийдэг. Зүймэл наамал урлалын үзэсгэлэн хүртэл гардаг юм билээ. Нэгэн жигд
тогтмол хөдөлгөөнтэй ажлыг тэд бол \”өлхөн” хийчихнэ. Бариа хийхээс гадна, өөр
олон зүйлийг хийх санаачлага гаргаж болмоор санагдана.

Энэ мэт төрийн хайр халамж жинхэнэ утгаараа хэрэгцээтэй
байгаа иргэдийг зохион байгуулалтанд оруулж, \”боловсруулах” сургах ажлыг хийж
чадвал \”чимээгүй” хэрнээ шилдэг боловсон хүчнүүд болох байх.