Аз жаргалтай хот болох тухай \”Бид хамтдаа” үндэсний хөгжлийн форумд МАН-ын удирдах
зөвлөлийн гишүүн, Нийслэлийн МАН-ын хорооны дарга Ц.Сандуйн илтгэл тавьсан.
Тус илтгэлд аз жаргалтай хот болохын тулд юу хийвэл
зохих, яаж хийх тухай дурьдана лээ. Гэхдээ яг өнөөдрийн нийгэмд аз жаргалтай
хот гэдэг утга бүхий үгс томоос том \”салаавч” шиг уншигдаад байна.
![\"\"](http://undesten.mn/uploads/posts/2016-11/1479887927_-hgzhil.jpg "\\"\\"")
Бид утааны маш хортой орчинд, халитаргаа дээд цэгтээ
тулсан газарт гишгин өдөрт 100 гаран хүн гэмтлийг зорьж амьдарч байна. Уушги
зүгээр байх үндэслэлгүй утаан бүрхүүл тогтчихсон. Эрүүл мэнд ОО заасан, хүүхэд
хамгааллын асуудал ОО, аюулгүй орчинд амьдрах эрх зөрчигдсөн, эдийн засгийн
хямрал, хөрс, усны бохирдол ОО заасан, боловсролын салбар бүхэлдээ унасан,
урлагийн салбар мөхсөн, ажилгүйдэл газар авсан, ахмадаа хүндлэх хүндлэл ОО
заасан, инженерчлэлгүй хот болон төлөвшиж байхад аз жаргал гэгч хөндий
сонсогддог юм байна. Аз жаргал гэгчийг эрдэмтэд ийнхүү тайлжээ:
Аз жаргал гэдэг бол Бид хэдий хэр аз жаргалтай байх нь юунаас хамаардаг вэ? АНУ–ын сэтгэл судлаачид болох Соня Любоморски, Кен Шелдон нар урт удаан хугацааны судалгаа хийсний үр дүнд дараах дүгнэлтийг гаргажээ. Ингэхдээ аз жаргалтай байх эсэх нь гурван зүйлээс хамаарах бөгөөд үүнийг дугуйгаар илэрхийлвэл хамгийн их хэсэг буюу тал хэсгийг нь тухайн хүний удамшлийн нөлөө эзэлжээ. Бидний зарим нь багаасаа л өөрийгөө ерөнхийдөө юу ч болж байсан аз жаргалтайгаар мэдэрч чаддаг байна. Энэ бол бидний аав ээжээс заяагдсан гайхалтай чанар гэж болно. Хамгийн бага хэсэг нь (10%) нь гадаад нөхцөл байдлын нөлөө буюу бидний орлогын түвшин, боловсорлын чанар, орон байр нийгмийн гарал зэрэгээс хамаардаг. Тиймээс сэтгэл судлаачдын нүлээр харвал аз жаргалын төлөө хаа нэг тийшээ явах нь утга учиргүй зүйл юм. Ингээд гуравдахь бас нэгэн том хэсэг бол (40%) бид амьдарлаа хэрхэн зохион байгуулж байна вэ: ямар зорилгод тэмүүлж байна, ямар хүмүүстэй харилцаж байна, ямар ажил мэргэжил сонгож байна, ямар амьдарлын хэв маягтай байна … Тиймээс бид аз жаргалтай байх эсэх нь бидний бодож байгаагаас хамаагүй ихээр биднээс хамаардаг байна.
Энэ бол аз жаргалыг чадан ядан тодорхойлсон байдал. Бидэнд энэ нийгмээс
мэдэрч байгаа жоохон ч гэсэн аз жаргал алга байна. Ядахдаа цас ороход
бэртчихдэггүй явах боломжийг бүрдүүлж өгсөн бол арай өөрөөр харах байсан биз.
Ийм нийгэм, ийм стресс дундаас аз жаргал гэдэг сэтгэхүй гарахгүй байна
Дарга аа. Бидний амьдрах орчинг сайжруулж, эрүүл мэндийн үйлчилгээнд сэтгэл
хангалуун, авсан цалин нь амьдралд хүрэлцээтэй, ахмадуудад тэтгэвэр нь \”хугасхан”
ч болов хүрдэг ийм л зүйлийг удирдлагуудаас нэхээд удаж байна. Иргэдэд гоёоор
хэлсэн нэр томъёоноос илүү үр дүнтэй ажил хэрэгтэй байна. Өнөөдрийн энэ байдалд
та бүхний нэрийдээд байгаа тэр \”аз жаргалтай хот” гэдэг үг доромжилж буйтай
адил сонсогдоод байна.
Үндэстэн агентлаг
