![\"\"](http://undesten.mn/uploads/posts/2017-01/1485402309_fat-girls05.jpg "\\"\\"")
Биеийн тамирын дасгал хөдөлгөөн хийснээр
чихрийн шижин, зүрхний өвчин, зөнөглөл зэргээс сэргийлж болох ч таргалалттай
тэмцэхэд ач холбогдол багатай гэж эрүүл мэндийн сурвалжлагч Ник Триггле гэгч
өөрийн блогтоо бичжээ.
Тэрээр өөрийн мэдээллээ дараах баримтуудаар
нотлохыг оролдсон байна.
Тухайлбал, Британий Спортын Анагаах ухааны
сэтгүүлд олон улсын гурван ч мэргэжилтэн биеийн тамирын дасгал сургуулилтын
талаар \”үлгэр домгийг нураах цаг болсон” гэсэн мэдэгдэл хийж байж. Тэд дасгал
хөдөлгөөнөөр хэзээ ч таргалалттай тэмцэхгүй. Үүний оронд сахар болон нүүрс усны
хэрэглээг хязгаарлах нь чухал нөлөө үзүүлнэ гэжээ.
Харин Лондох хотын зүрхний өвчин судлаач
доктор Асеем Малхотра \”Хоололтын улмаас үүссэн өөхжилтийг биеийн дасгал
хөдөлгөөнөөр саармагжуулах боломжтой гэх итгэл үнэмшлийг хүмүүст өгч байгаа нь
буруу” хэмээн шүүмжилж, спорт хооллолт хоёр салгаж ойлгох цаг болсон гэжээ. Хэдийгээр
дасгал хөдөлгөөн хийж байгаа ч хоололт буруу байгаа бол хүний биеийн 40 хүртэлх
хувьд таргалалтад нөлөөлөх хор бодис хуримтлагдан байсаар байх болно гэсэн
байна.
Мөн тэрээр \”Илүүдэл жинтэй хүн жингээ хасахын тулд өчүүхэн ч дасгал хийх
хэрэггүй. Зөвхөн бага идэх л хэрэгтэй. Миний хамгийн их
санаа зовж байгаа зүйл бол олон нийтэд хүрч буй мессеж. \”Та дасгал сургуулилт л хийж байвал юу хүссэнээ
идэж болно” хэмээн ойлгуулж буй явдал
юм.Энэ нь шинжлэх ухаанч бус. Буруу ойлголтыг өгч байна. Муу хооллолтыг та гүйлтээр, биеийн тамирын
дасгалаар гүйцэж түрүүлж
чадахгүй\”гэж хэлжээ.
Гэхдээ дасгалыг шууд \”хэрэггүй” гээд
хаячихаж болохгүй гэсэн санааг зарим эрдэмтэд хэлж байна. Эрүүл мэнд, Асаргаа сувилгааны Төгс байдлын
Үндэсний Хүрээлэнгийн профессор Марк Бэйкер \”Сайн тэнцвэржүүлсэн хоол
хүнсийг биеийн тамирын дасгал сургуулилттай хослуулах нь зөв” гэж зөвлөсөн
байна. Мөн огт хөдөлгөөн хийхгүйгээр дан хоолоо багасгаснаар таргалалттай
тэмцэж болох ч хүний бие хөдөлгөөн дутлаас үүдэлтэй олон өвчлөл үүсч болохыг
анхааруулжээ.
Орчуулгын материалд алдаа дутагдал гарсан
байж магадгүй. Гэхдээ л гол санаа нь хэдий биеийн тамирын дасгал хөдөлгөөн
хийдэг ч буруу хооллоод байвал хэзээ ч таргалалт буюу илүүдэл жинтэй тэмцэж
чадахгүй. Түүний оронд хоол идэхээ багасгачихвал дасгал хийхгүй байсан ч
илүүдэл жингээсээ салж болно гэдэг санааг эрүүл мэндийн сурвалжлагч Ник Триггле
илэрхийлэхийг оролджээ гэж ойлголоо.
Тийм ээ. Зөв хооллолт бол дасгалаас ч
чухал.
Амар
Үндэстэн агентлаг
