“Зөөлөн хүн”-ийг дэмжээгүй Ш.Түвдэндорж \”ад үзэгдэв\”

23.1. Байнгын хорооны дарга дараахь чиг үүргийг
хэрэгжүүлнэ:

23.1.1. Байнгын хорооны хуралдааны бэлтгэлийг
хангаж зохион байгуулах;

23.1.2. Байнгын хорооны хуралдааныг удирдах;

23.1.3. Байнгын хорооны нэрийн өмнөөс бусад
байгууллагатай харилцах;

23.1.4. Байнгын хорооны ажлын алба болон тодорхой
төсөл боловсруулахаар Байнгын хорооноос байгуулсан ажлын хэсгийн үйл ажиллагааг
уялдуулан зохицуулах;

23.1.5. Байнгын хорооны ажлыг Улсын Их Хурлын өмнө
хариуцан тайлагнах.

Гэвч энэ үүргийг өнгөрөгч хугацаанд \”тун хангалтгүй” гүйцэтгэсэн хүн бол
УИХ-ын гишүүн, УИХ-ын Хууль зүйн байнгын хорооны дарга Д.Ганбат юм. Түүнийг
Хууль зүйн байнгын хорооны гишүүд үргэлж \”ажлаа мэддэггүй, мэдлэг, чадвар
дутмаг” хэмээн гоочилдог. Сүүлд л гэхэд УИХ-ын гишүүн, Барилга хот байгуулалтын
сайд З.Баянсэлэнгэ \”Д.Ганбат аа чи байнгын хорооны дарга хийж чадах юм уу,
чадахгүй юм уу. Үхсэнээ хийж дарга хийж суугаа юм бэ” гэхчлэнгээр загинаж
байгаа бичлэг олон нийтэд ил болсон. З.Баянсэлэнгэ, Д.Ганбат хоёрын хувьд
мэдлэг, туршлагаар нэг их ялгараад байх зүйлгүй. Гэвч З.Баянсэлэнгэд Хууль зүйн
байнгын хорооны дарга ажлаа хийж чадахгүй л харагдаад байна. Тиймээс л
загинуулах хэмжээнд үнэлэгджээ.

Ер нь өнгөрсөн хугацаанд \”ирц хүрээгүй”
гэх шалтгаанаар хамгийн их хойшилсон, завсарласан байнгын хороо гэвэл Хууль
зүйн байнгын хороог л хэлэх байх. Энэ бүрт л Д.Ганбат гишүүддээ загинуулж
суугаа харагддаг. Түүнийг дарга гэдгээр нь хүндэлж хүлээж авах гишүүн энэ
байнгын хороонд лав алга.

Гэвч бүрэн эрхийн хугацаа нь дуусч Хууль
зүйн байнгын хорооны даргын суудалд хэнийг томилох вэ тэгтэл Ардчилсан намаас
Д.Ганбатыгаа эргүүлэн томилохоор оруулаад ирж. Яах гэж тэр вэ. Дахин хоёр жил \”мануухай”
болгох гэж үү. Тэгээд л дарга нэртэй гишүүддээ зүхүүлээд л сууж байх юм гэнэ.

Харин үүнийг Хууль зүйн байнгын хорооны
гишүүд хүлээн зөвшөөрсөнгүй. Д.Ганбатаас өөр хэн ч байсан хамаагүй дэмжинэ
гэсэн зорилготойгоор хурал эхэлж, түүнтэй хамт нэрээ дэвшүүлсэн УИХ-ын гишүүн
Ш.Түвдэндоржийг нэг хүний саналыг илүүтэйгээр дэмжих тэр.

Ш.Түвдэндорж Д.Ганбатыг бодвол ядаж л
гишүүддээ загинуулаад суухгүй болов уу. Гэтэл АН-аас Ш.Түвдэндоржид хариуцлага
тооцчиж, намын дэд даргаас чөлөөлөх шийдвэр гаргачихлаа. Яагаад гээд асуутал,
намын бүлгийн гаргасан шийдвэрийг эсэргүүцэж, өөрийн нэрийг дэвшүүлж
Д.Ганбаттай өрсөлдөж, улмаар түүнээс илүү санал авсан учраас хариуцлага тооцсон
байна.

АН-д Хууль зүйн байнгын хороог удирдах \”зөөлөн
хүн” хэрэгтэй байж. Харин Ш.Түвдэндорж намын бүлгийн шийдвэрийг зөрчснөөрөө
бүлгийн дэд дарга гэх албан тушаалаасаа хусагдлаа.

А.Аюуш