Альцгеймер өвчнөөс сэргийлдэг хүнсэнд монгол хоолны орц орж байна. Альцгеймерээс сэргийлдэг ханаагүй өөхний хүчил нь хонины сүүл, өвчүүний хэрсэн, адууны мах өөхөнд ихээр агуулагддаг байна.
Нас ахих тусам танин мэдэхүйн чадвар буурах эрсдэлийг бууруулах зорилготойгоор Харвардын их сургуулиас MIND (Mediterranean-DASH Intervention for Neurodegenerative Delay) хоолны дэглэмийг санал болгодог.
MIND дэглэмд багтдаг нийтлэг хоол хүнс бол жимс, хүнсний ногоо, самар, буурцаг, үр тариа, загас, шувууны мах юм. Гэхдээ энэ хоолны дэглэмийг бүрэн дагаж мөрдөхгүйгээр өдөр тутамдаа тодорхой хэмжээгээр хэрэглэж заншсан хүмүүс Альцгеймер өвчнөөр өвчлөх эрсдэлээ 37 хувиар бууруулсан нь судалгаагаар тогтоогджээ.
1. Өөх тосгүй уураг
Ханасан өөх тос ихтэй хоол хүнс хэрэглэх нь холестерин нэмэгдэх, цусны даралт ихсэх, чихрийн шижин, таргалалт, зүрхний судасны өвчин тусах эрсдэл үүсгэдэг бөгөөд эдгээр нь Альцгеймерийн эрсдэлт хүчин зүйл болдог.
Ханаагүй өөхний хүчил нь манай монголчуудын хэрэглэдэг ХОНИНЫ СҮҮЛ, ӨВЧҮҮНИЙ ХЭРСЭН, АДУУНЫ МАХ ӨӨХ зэрэгт ихээр агуулагддаг байна.
2. Бүхэл үр
Цагаан талх, будааны оронд витамин В-ээр баялаг бүхэл үрийн талх, бор будаа, тогтмол идвэл сайн.
Сүүлийн үеийн судалгаагаар өдөрт хоёр порц бүхэл үр орсон хоол иддэг хүмүүс Альцгеймерээр өвчлөх эрсдэл 40 хувиар буурсан болохыг тогтоожээ.
3. Ногоон навчит хүнсний ногоо
Тэжээллэг бодисоор баялаг бууцай, байцаа зэрэг ногоон навчит хүнсний ногоонууд тархины үйл ажиллагааг сайжруулдаг. Үүн дээр нэмээд улаан лооль, авокадо, хар чидун зэргийг ч хэрэглэж болно.
4. Самар
Самар, үр, ургамлын тос зэрэг нь омега-3 тосны хүчлүүдийн маш сайн эх үүсвэр бөгөөд хүний тархины эсийг эрүүл байлгаж, үрэвслийг бууруулахад тусалдаг. Омега-3 тосны хүчлийг хангалттай хэмжээгээр авах нь чухал бөгөөд бидний бие энэ хүчлийг зөвхөн идэж байгаа хоол хүнснээсээ л авах боломжтой байдаг аж.
