![\"\"](http://undesten.mn/uploads/posts/2015-10/1444629518_10303772_1610784709183275_4447525381329908293_n.jpg "\\"\\"")
Монгол Улсын Зэвсэгт хүчин, БНХАУ-ын Ардын чөлөөлөх армийн хамтарсан хээрийн сургууль болох \”Анчин бүргэд-2015\” манай улсад өнөөдрөөс эхэллээ. Хээрийн сургууль Зэвсэгт хүчний нэгдсэн сургалтын төвд болж буй бөгөөд нээлтийн ажиллагаанд ЗХЖШ-ын ажиллагааны удирдлагын газрын дарга, бригадын генерал Д.Ганзориг, БНХАУ-ын АЧА-ийн Бээжингийн цэргийн тойргийн тусгай ажиллагааны бригадын захирагч, хурандаа Ли Чи Фень нар болон албаны бусад хүндэт зочид оролцлоо.
![\"\"](http://undesten.mn/uploads/posts/2015-10/1444629555_12144737_1610784735849939_6178763718950781952_n.jpg "\\"\\"")
![\"\"](http://undesten.mn/uploads/posts/2015-10/1444629631_12072698_1610784749183271_5766538330229614297_n.jpg "\\"\\"")
Манай хоёр улсын Зэвсэгт хүчний хамтарсан хээрийн сургууль терроризмтэй тэмцэх чиглэлээр дагнан өрнөж буйгаараа онцлог юм. БНХАУ-ын АЧА-тай тусгай ажиллагааны чиглэлээр анх удаа хамтран зохион байгуулж байгаа хээрийн сургуульд Зэвсэгт хүчний 084 дүгээр анги болон БНХАУ-ын АЧА-ийн Бээжингийн 38 дугаар цэргийн тойргийн тусгай ажиллагааны 100 гаруй цэргийн алба хаагчид оролцож байна. Хээрийн сургууль энэ сарын 18-ны өдөр хүртэл үргэлжилнэ.
Монгол Улсын Батлан хамгаалах яам
