Монгол Улсад сошиал медиа ялангуяа Facebook хэрэглэгчдийн тоо сүүлийн жилүүдэд нэн эрчимтэй өсч байна. Энэ нь хүн амын мэдээлэл хүлээн авах аргыг өөрчлөөд зогсохгүй бизнес эрхлэгчдийн хувьд ч зорилтот зах зээлдээ маркетингийн мэдээлэл хүргэх арга барилд ч мөн адил томоохон өөрчлөлт авч ирж байгаа билээ. Харин энэхүү цахим уудам орон зайд Монгол Улсаас идэвхтэй холбогддог 1.7 сая хэрэглэгчдийн нас, хүйс, зан төлвийн талаарх мэдээлэл маркетингийн үйл ажиллагаанд ашиглагдах маш чухал мэдээлэл юм. Тийм ч учраас бид та бүхэнд энэхүү Facebook хэрэглээ Монголд 2017 Инфографик мэдээллийг бэлтгэн хүргэж байна.
Facebook хэрэглээ Монголд 2017
Нас, хүйсийн бүтэц
Монгол Улсын FB идэвхтэй хэрэглэдэг 18-с дээш насны нийт хүн амын 70% нь 18-34 насныхан байна. Түүнчлэн нийт FB хэрэглэгчдийн 53% нь эмэгтэй, 47% нь эрэгтэйчүүд байгаа бөгөөд ахимаг насны эмэгтэйчүүд, тус насны эрчүүдтэй харьцуулахад Facebook илүү идэвхтэй хэрэглэдэг байна.
