Дорнод аймгийн Цагаан-Овоо сумын Гүнцэнгэлэг багийн \”Хүүхдийн-Овоо” гэдэг газар шүлхий өвчин гарчээ.
Уг газар нь сумын төвөөс зүүн урд зүгт 80 км-т байх бөгөөд малчин Б-гийн нэг үхэрт мал, амьтны гоц халдварт дээрх өвчний шинж тэмдэг илэрч, өвчилсөн малаас дээж авч Улсын мал эмнэлэг, ариун цэврийн төв лаборатори /УМЭАЦТЛ/-д шинжлүүлэхэд шүлхий өвчин болохыг тогтоосон байна.
Мөн Төв аймгийн Сэргэлэн сумын Эрдэнэ-Уул багийн \”Бөхөгийн гол” гэдэг газар малчин О-гийн 43 үхэрт эл өвчний шинж тэмдэг илэрч, өвчилсөн малаас дээж авч УМЭАЦТЛ-д шинжлүүлэхэд шүлхий өвчин болох нь тогтоожээ.
Түүнчлэн Дундговь аймгийн Өлзийт сумын Дэрт багийн \”Зүүн булаг” гэдэг газар малчин Ч-гийн 60 хонинд мал, амьтны гоц халдварт хонины цэцэг өвчний шинж тэмдэгтэй өвчилсөн байна. Дээж авч УМЭАЦТЛ-д шинжлүүлэхэд хонины цэцэг өвчин болох нь тогтоосон аж.
Эх сурвалж: МОНЦАМЭ
