![\"\"](http://undesten.mn/uploads/posts/2017-08/1502680982_bayraa-miss.jpg "\\"\\"")
Дэлхийн мисс 2016 тэмцээнд эх орноо амжилттай төлөөлөн оролцож шилдэг 11 миссүүдийн тоонд багтсан мисс А.Баярцэцэг холливуудын жүжигчин Стивен Сигалын кинонд тоглох урилгыг хүлээн аваад байсан цаг саяхан. Тэрээр өнгөрсөн хоёрдугаар сард Тайланд улсад болсон кино шалгаруулалтад оролцжээ. Ингээд ирэх жил дэлгэцнээ гарах \”Attrition\” киноны томоохон туслах дүр \”Kyra\”-ийн дүрд тоглохоор болсон юм. Тус киноны зураг авалт өнгөрсөн сард Тайланд улсад эхлэн амжилттай дуусжээ. Энэ талаар мисс бүсгүй өөрийн цахим хуудаснаа\” Алдарт жүжигчин Стивен Сигалын шинэ уран бүтээл Attrition киноны маань миний зураг авалт ингээд дууслаа. Гэртээ ирээд сайхан байна аа. Гурван долоо хоногийн хугацаанд олон хүмүүстэй танилцаж, суралцаж, мэдэж, урам зориг авсан мартагдахааргүй гайхалтай аялал байлаа. Мөрөөдөлдөө алхам алхмаар ойртсон амжилт бүхэнд минь хэн нэгний тус дэмжлэг үргэлж байсан, тийм ч болохоор би ч гэсэн хүнд хэрэгтэй, чадахаараа тусалдаг, хуваалцдаг, дэмждэг хүн байх зорилго тавьсан” гэв. Тэрээр энэ сард АНУ-ын Вашингтон хотноо зохиогдох \”Эх дэлхийн мисс” тэмцээний зочин шүүгчээр ажиллахаар зэхэж байна.
![\"\"](http://undesten.mn/uploads/posts/2017-08/1502681059_undesten.jpg "\\"\\"")
