Хойд Солонгосын харвасан пуужин Японы хамгаалалтын системийг ажлуулж, иргэдийг нь сандаргав

 

Хойд
Солонгос улс өнөөдөр 06.02 цагийн орчимд/орон нутгийн цагаар/ пуужин харвалаа.
Тус пуужин Япон улсын дээгүүр хөөрч, Хоккайдо арлын эргээс 1180 км зайд Номхон
далайд унасан байна. Пхеньян, АНУ-д өгч буй
сануулга гэж мэдэгдсэн. Гэвч Японы тал улсынх нь дээгүүр пуужин харвасан явдалд
дургүйцлээ илэрхийлжээ.

Хойд
Солонгосыг пуужин харвах үед Японы J-Alert
гэх хамгаалалтын систем идэвхжиж, иргэдийг хорогдох байранд орохыг сануулж
эхэлсэн байна. Японыг ингэж сандралд орж байх хооронд Өмнөд Солонгосын үндэсний
аюулгүй байдлын зөвлөл яаралтай хуралдаан зарлаж хуралдсан байна.

 

Гурав
хоногийн өмнө буюу наймдугаар сарын 26-ны өдөр Хойд Солонгос улс богино
тусгалтай гурван пуужин харваж, Японы тэнгист унагасан байдаг.

 

Ойр
ойрхон пуужин харваж буй энэ явдал АНУ болон Япон улсын дүргүйцлийг ихээр
хүргэж байгаа тухай мэдээлэл цацагдаж эхэллээ. Япон
Улсын Ерөнхий
сайд Шинзо Абэ сэтгүүлчдэд мэдэгдэл хийх үеэр \”Бид ард иргэдийнхээ
амь насыг хамгаалахад бүхнийг хийнэ. Хойд Солонгосын
пуужин харвасан явдал бидэнд урьд өмнө тохиолдож байгаагүй, ноцтой аюул заналхийлж байна”
хэмээн ярьжээ.

Харин Пентагоны хувьд пуужин харвал ажиллагааг эхнээс хянаж байсан гэж
мэдэгдсэн байна.

 

Ким Жон Ун үнэхээр дайн хүсэв үү. Эсвэл өдөөн хатгаж байна уу. Ямартай ч
ойрын хугацаанд Япон болон АНУ-ын зүгээс тодорхой хариулт өгч, арга хэмжээ авах
тухай ярилцаж эхэллээ.