Таны дуртай өнгө таны зан аашийг бараг хэлээд өгнө. Үр дүн бодитой байх үүднээс танд дуртай өнгөө дотуур хувцасаараа дүгнэхийг хүсье. Таны хувцасны ихэнх нь ямар өнгөтэй байна вэ? Өдөр тутмын хувцсыг үнэтэй дэлгүүрээс загвар зохион бүтээгчийн нэрэнд хууртан авдаг, зарим нэгийг нь бусад, бидний дуртай өнгийг үл хамааран бэлэглэдэг. Иймд ямар өнгө таны биед ойр байна тэр л таны дуртай өнгө мөн.
Хөх. Тод хөх өнгө таалагддаг бол та мөрөөдөмтгий романтик хүн, гэхдээ энэ нь залуу насанд л тод илэрнэ. Томрохын хирээр та мэдрэмжээ нууж хүүхэд шиг харагдахгүйн тулд гайхах шагшрах сэтгэлээ хэзээ ч ил гаргахгүй үйл хөдлөл, санаа бодолдоо чөлөөтэй, хүмүүстэй харилцах дуртай, гэхдээ өөртөө л найдах нь дээр гэж үздэг. Саад тогтгороос айдаггүй, учир нь ямарч байдлаас гарах чадвартай гэдэгтээ хатуу итгэлтэй байдаг. Таныг албадах үнэнээ хэлэхийг шаардахад та дургүй, тэгээд ч та хэзээ ч худлаа хэлдэггүй. Таны зан ааш гүн мөрөн, нуурын адил эхлээд харахад ёроол нь харагдахгүй, хүйтэн ус гэхдээ маш хүчтэй урсгалтай болохыг мэдэрнэ.
Цэнхэр. Энхрий намуухан сайхан өнгө. Та бүхий л амьдралын турш энэ өнгөнд дуртай байсан бол та их эмзэг, сул дорой хүн юм. Та тулгуур болох эр хүнийг хайдаг ба ихэнхдээ олж чаддаг. Бусдыг ойлгож чаддаг тул танд хайртай байдаг. Гэхдээ та амьдралдаа идэвхгүй байж бусдыг дагах дуртай. Та шийдвэр гаргаддаггүй. Таныг үг, үйл хөдлөлөөр эмзэглүүлэхэд амархан гэхдээ та муу санадаггүй. Та дурламтгай, дур булаам, гэвч найз нөхдүүд чинь танаас холдлох нь их. Энэ нь нэгдүгээрт таны мөнхийн идэвхгүй байдал тэднийг холдуулдаг, хоёрдугаарт тэд таныг уучилна гэдгийг баттай мэддэг ажээ. Та нарны гэрэлд баясаж уулнаас урсах сэрүүн горхи юм. Энэ горхины дэргэд бүгдэд л сайхан байх боловч уухаас биш усанд орж болохооргүй жижиг юм.
Нил ягаан. Оньсого мэт хүмүүст энэ өнгө таалагддаг. Амьдралдаа ямар нэгэн үл ойлгогдох зүйлийг хайдаг болов уу гэмээр. Та бодит уйтгартай амьдралаас залхаж өөрийгөө сайхан бүхнээр хүрээлүүлэхийг хүснэ. Таны үйл хөдлөл дэгжин чамин, бусдыг таныг ахин дүгнэхэд хүртэл цочролд оруулах дуртай. Гэхдээ энэ бүгдийн цаана бага насны үед үүссэн өөртөө итгэлгүй байдал байна. Иймд таны бодлоор амьдрал хүүхдийн том ертөнцөөс айх айдастай маш төстэй байна. Та ухаантай сайхан, ур чадвартай гэхдээ бүгд таныг цорын ганц гэж бодоосой гэж хүсдэг. Гэхдээ та үүнд яаж хүрэхээ мэдэхгүйгээс гутардаг. Та өөрийн амьдарлын зорилгоо тодорхой боловсруулахыг оролдоод үзээрэй тэгвэл та амжилтанд хүрнэ.та шидтэний нил нөмрөгтэй адил ид шидтэй боловч зөвхөн шидтэний гарт чадвартай болно, бусдын гарт зөвхөн эд зүйл.
Гүн ногоон. Ийм өнгөнд дуртай эмэгтэй өөртөө итгэлтэй гүдэсхэн. Та хаанаас хаашаа яах гэж явж байгаагаа баттай мэддэг хүн шиг амьдралаа зохицуулдаг. Та сандарч тэвдэж байсан ч тайван харагдаж чаддаг. Үүнийгээ ашиглаад та гайхалтай удирдагч болж чадна. Ихэнх нь таныг хараад чулуун зүрхтэй гэж боддог. Хэрвээ та ингэж бодоосой гэж хүсэхгүй байвал хааяа ч болов биеэ сул тавьж бусдад хайрлаж үзэн ядаж чаддагаа харуул. Тэд ч таныг биеэ барих чадвартай хүн болохыг ойлгоно. Та олон зуун жилийн настай модны адил шуургыг, бороо зудыг ч тайван давж өнгөрдөг. Учир нь энэ бүгд болоод өнгөрнө,харин мод байсан газраа л үлдэнэ гэдгийг та мэддэг.
Цайвар ногоон. Та итгэмтгий амьдралаас таашаал авдаг нэгэн. Гэхдээ хүмүүс таыг богино ухаантай, чухал шийд гаргах чадваргүй гэж үздэг. Гэвч тийм биш та сайн зүйлд итгэдэг, хийж болох бүхнийг хийдэг. Хэрэв итгэмтгий биш байсан бол их зүйлд хүрэх чадвартай. Таныг хуурч гомдоох нь их, гэхдээ та хаширдаггүй дахиад л итгэдэг. Хайр дурлалд бүрэн автдаггүй бол дээр л байхсан, гэхдээ та тийм хүн учир яах ч билээ. Та нялх ногоотой адил, түүнийг яаж ч гишгэлсэн шүүслэг цэвэрхэн хэвээр байж бусдыг баясгадаг.
Шар. Шийдэмгий бардам зантай. Бусдын анхаарлын төвд байхыг хүсдэг. Худлаа магтсан ч танд таалагддаг. Бусдыг дагах дургүй, энэ уян хатан бус байдлаасаа болоод жинхэнэ найз нөхөд цөөн. Та ойр байгаа хүмүүсээ анхааралтай хардаа, тэдэнд ямар нэгэн юм таны зүгээс хэрэгтэй байж магадгүй. Та том амжилтыг хүсдэг, жижиг зүйл хийх дургүй. Таны үгэнд итгэж болохгүйь гэхдээ та ямар ч хүнийг хөгжөөж чаддаг тул бусад дутагдлыг тань үл анзааран таныг урьдаг, урих ч болно. Та ч тэдэн шиг бусдад хандаад үзвэл яасан юм бэ? та хөөрхөн дэгдээхэйтэй адил хөгжилтэй, анхаарал татсан, гэхдээ дуу ихтэй, ашиг багатай.
Улбар шар. Байнга өндөрт байхыг хүсдэг. Дайчин зантай, гутардаггүй, амьдралд хайртай, өөдрөг үзэлтэй байдал чинь таныг ямар ч байсан үзэсгэлэнтэй болгож, эрчүүд ч дуртай байдаг. Та ямар ч нөхцөл байдлаас ухаалаг гарц олно, ямар ч асуудлыг шийднэ. Ямар нэгэн таагүй юм болбол та өөрөө болохгүй зүйл хийжээ гэдэгтээ итгэлтэйбайдаг. Хариуцлагатай, өөртөө маш олон үүрэг хүлээдэг. Гэхдээ хүчээ зөв үнэлээгүйгээс хааяа сэтгэлийн хямралд орж бүх юмнаасаа татгалзаж, бусадтай харилцахаа больдог. Заримдаа ийм зожигролын үе удаан үргэлжилдэг. Та улаан жижигхэн галтай төстэйв хуурай мод бага багаар хаяаад байвал асаад л дулаан илч бэлэглэнэ. Харин шууд олон мод хаячихвал, анивалзаж байгаад унтарчихна.
Улаан. Дарангуйлалын өнгө. Та зоригтой, зөрүүд, шийдэмгий эмэгтэй. Эрх мэдэл, нэр хүндэд дуртай мөн бусдыг захирах дуртай. Бүгдийг гартаа авахыг илүүд үздэг, учир нь та удирдахгүй бол ажил бүтэхгүй гэж байнга дотроо бодож байдаг. Та эрч хүчтэй тул бусад хүмүүс таныг дагадаг. Гадаад байдал тань өөтөө итгэлтэй, хүчтэй байгааг илтгэж байдаг. Та бэлгийн амьдралдаа ч идэвхитэй үүргийг гүйцэтгэхийг илүүд үздэг. Гэхдээ таныг үг дуугүй дагах эрэгтэйг та хэзээ ч хайрлахгүй. Гэвч танаас хүчтэй эр хүн таарвал, үнэнчээр хайрлана. Улаан өнгө бол булгилсан халуун цусны өнгө, энэ цус таны биеэр тархаж эрч хүчийг өгдөг.
Улаан ягаан. Энхрий, гэмгүй, итгэмтгий байдлыг илтгэнэ. Хэдэн ч настай байсан сэтгэлээрээ та 15 настай. Таныг хүрээлэн буй ертөнц гайхалтай сайхан. Та итгэл найдвар, мөрөөдлөөр дүүрэн сэтгэлтэй. Гэхдээ таны агаарын цамхагийг устгах зүйл амьдралд чинь хэзээ нэгэн цагт гарч ирнэ. Тэр цагт та хүссэн, хүсээггүй насанд хүрсэн эмэгтэйн нүдээр орчноо харна. Иймд бага багаар ертөнцийг таньж байсан нь дээр бус уу? Багаас эхэл, тийм чухал биш ч бие даасан шийд гарга. Бусад хүмүүс яаж амьдардгийг хар. Та жижиг ягаан сарнайтай адил сайхан үнэртэй, бүгд л гайхаж хардаг. Гэхдээ гундаж хатдаг.
Хөх ягаан. Хөөрхөн, хөнгөн, энхрий, аальгүй байхын зэрэгцээ маш хатуу ширүүн, зоригтой байдаг. Эрчүүдийг өөртөө татаж чаддаг. Амархан олдох юм таны сэтгэлийг татахгүй, танд тэмцэл өрсөлдөөн ялалт хэрэгтэй. Харин шагнал тийм ч чухал биш. Та ухаалаг, гэхдээ хүмүүс зөвхөн их зантай, хуурмаг сайхан бүсгүйг л олж хардаг. Үүнд та өөрөө буруутай, та ухаантай гэдгээ харуулдаггүй. Дурлалд бол бүр хөнгөмсөг. Хажуунаасаа өөрийгөө харвал, та өөртөө л хайртай гэдгээ мэдрэх болно. Таны хувьд тоглоом шиг зүйл бусдын хувьд сэтгэлийн шаналал болдог. Та шүүслэг, амттай бөөрөлзгөнөтэй адил. Гэхдээ авч идэхийг хүссэн хэн ч, өргөсөнд хатгуулдаг.
Цагаан. Энэ бол өнгө биш, ямар ч өнгөгүй гэсэн үг. Та цагаан өнгөнд дуртай бол энэ нь таны дотоод ариун байдал, шударга занг илэрхийлнэ. Та хэзээ ч худлаа хэлэхгүй, шулуун, бодсоноо хэлдэг, үнэн үг хатуу байсан нь дээр гэж үздэг. Зарчимч, хатуу, итгэлтэй, хайр дурлалд ч тогтвортой, үнэнч. Хамтрагчаасаа ч үүнийг хүсдэг. Та итгэл даадаг, хэлсэндээ хүрдэг, тусархаг. Гэхдээ бусдаас хэтэрхий хол, хүйтэн, хөндий байна гэсэн зэмлэл хүртэж л байсан байх. Тэднийг анхаарвал яасан юм бэ? та цасаар бүрхсэн талтай адил хүн. Гялбам сайхан, өөртөө бусдыг татдаг, хэдий удаан ч ширтэж болно, гэвч түүгээр зугаалахыг хэн ч хүсэхгүй дэндүү хүйтэн.
Хар. Оньсого мэт байдлыг, мөн гадаад ертөнцөөс тусгаарлах хүсэлтэйг илэрхийлнэ. Та зожиг болгоомжтой, ямар нэгэн юманд таныг албадхыг тэвчдэггүй. Бардам, ухаалаг, дэгжин, хошигнох чадвартай. Дотны хүмүүсийн халамж анхаарлыг үнэлж тэдний төлөө юу ч хийхэд бэлэн, гэхдээ таны нөхөр болоход хэцүүв та өөрөө өөдрөг үзэлгүй ч, сонирхолтой хөгжилтэй хүмүүстэй харилцахыг хүсдэг. Заримдаа та анхаарлын төвд байдаг ч, удаан тйим нөхцөлд байх дургүй, хэсэг хугацаанд ганцаараа хүчээ сэлбэхийг хүснэ. Та өвөрмөц бие хүн, гэхдээ ихэнхдээ бусад чинь таныг ойлгодоггүй. Та саргүй харанхуй шөнөтэй адил бусдад тайван байдлыг авчирдаг чзаримыг нь харин үхтэл нь айлгадаг.
Саарал. Тайван, ухаалаг хүний өнгө. Та бусдаас өөрийн бодгиалаа нуухыг хичээдэг. Та хаана ч албархуу, ямар ч сэтгэлийн хөдөлгөөнгүй байхыг хүсдэг. Та ингэснээрээ бусдын дунд байр суурий эзэлж, өөрийгөө сонсдог болгож чадна гэж үздэг. Хэзээ нэгэн цагт энэ хэрэг болсон байх ч, харин одоо бие дааж өөрийгөө харуулсан цагт зогсох юм биш үү? Та амьдралдаа олон ззүйлсийг алдсан юм шиг санагддаг бололтой. Таны дотоод ертөнц рүү хэн ч өнгийхгүй, та ч урихгүй. Харин үүнийг хийгээд үзвэл яах бэ? саарал өнгө бол хүмүүсээс өвс, чулуу зэрэг сонирхол татах бүхнийг нуухыг оролдсон тоос юм.
Бор. Энхрий ялдам, сайхан сэтгэлийн өнөг. Амьдралын ямар ч нөхцөлд амархан дасан зохицдог. Бүгдэд хийцүүлэх дуртай, асуудалд орооцолдох дургүй. Гэр бүлийн үнэт зүйлсийг эн түрүүнд тавьдаг. Таныг хайрладаг хүмүүс, таныг хүрээлээсэй гэж хүсдэг. Ойр дотно хэн ч үгүй бол сэтгэлээр унан гутарч болно. Таныг хүмүүс энгийн гэж боддог. Та ч дотоод ертөнцөө тэдэнд дэлгэж бодол санаагаа асуугаагүй байхад илэрхийлэх дургүй. Та дэндүү дуулгавартай байгаа юм биш үү? Эмэгтэй хүн нүүр нь толбоор дүүрч, арьс нь ширүүсхээс өмнө, арьс нүүрээ хэзээ ч анхаардаггүй. Та ч мөн адил. Хэн ч таны давуу талыг харахгүй ч, дутагдлыг бүгд хардаг. Ийм байдал танд таалагдаж байна уу?
