Баянгол дүүргийн Засаг дарга С.Одонтуяа А-363 тоот захирамж гаргаж, тус дүүргийн 16 дугаар хорооны нутагт ил задгай худалдаа хийж байсан иргэдийн бараа бүтээгдэхүүний хураан авч, ажлын байрыг нь нурааж, хууль хүчний байгууллагаар хүч хэрэглэн хөөсөн явдал хэд хоног өмнө гарсан. Үүнтэй холбоотой мэдээллийг энд дарж унших боломжтой.
Тэгвэл өнөөдөр ажлын байраа алдаад байгаа иргэдийн төлөөлөл мэдээлэл хийсэн юм. Энэ үеэр жижиг дунд худалдаа эрхэлдэг
К.Баясгалантай ярилцлаа.
-Нийслэлийн Засаг даргад хүсэлт гаргасан
гэсэн. Энэ хүсэлтийн хариу ирсэн үү?
-Хүсэлтийн хариу ирсэн. С.Одонтуяа энэ асуудлыг
шийдэж, иргэдийг ажлын байраар хангаж өгнө үү гэсэн албан бичиг
ирсэн. Гэвч Засаг даргын орлогч н.Батбилэг \”Бид энэ асуудлыг мэдэхгүй. Нийслэл мэднэ\” гэсэн хариу өгч, биднийг чулуу хөөлгөж
байна.
-Баянгол дүүргийн Засаг дарга С.Одонтуяатай уулзсан
уу. Та нарт ямар өгсөн бэ?
-Биднээс зугтаагаад уулзахгүй байгаа. Бидэнд ямарч хариу өгөөгүй. Өнгөрсөн долоон хоногийн гурав
дахь өдөр багаараа хуралдаад шийд өгнө гэсэн. Тэгэхээр нь өчигдөр очсон чинь С.Батболд руу албан
бичиг явуулчихсан гэж хэлсэн. Бидний асуудлыг Баянгол дүүрэг шийдэх юм уу, нийслэл шийдэх
юм уу гэж асуусан. Гэтэл тодорхой хариу өгсөнгүй.
-Одоо та нар ямар арга хэмжээ авах вэ?
-Бид маргааш суулт хийнэ. Хуурай өлсгөлөн зарлана. Өлсгөлөн зарлахаас өөр сонголт бидэнд алга байна. Одоо 120 хүний ар гэр амьдралгүй болчихоод байна. Үүнийг төрийн удирдлагууд мэдэхгүй байна шүү дээ. Бид яах ёстой вэ.
– Та бүхэн энэ талбайд хэчнээн жил худалдаа наймаа хийсэн бэ?
-Бид 2013 оны есдүгээр сараас эхэлж зогссон. Ерөнхий дөө
гурван жил гаруй худалдаа наймаа эрхэлж байна.
Гэтэл дуучин н.Мөнхбат, н.Үүрцайх нар контейнер тавиад 300-500 мянгаар
иргэдэд түрээсэлж байна шүү дээ. Гэтэл бид нарт яагаад өгч болохгүй
байгаа бэ. Ингэж хүнийг ялгаварлаж болохгүй биз дээ.
-Та нараас түрээсийн мөнгө гэж
авч байсан уу. Нууц биш бол хэдийг авдаг байсан бэ?
-Түрээсийн мөнгө авдаггүй байсан.
-Та нарт худалдаа наймаа хийхгүй шүү гэсэн мэдэгдэлийг хэзээ өгсөн бэ?
-Мэдэгдэл ирээгүй. Гэнэт л Баянгол дүүргээс явж байна гэж ирээд ажлын байрыг маань нураасан. Баянголын нөөц сангаас 9 сая 800 мянган төгрөг
гаргаж, бидний барааг ачсан. Бид зөндөө тэмцсэн. Контейнер ачихдаа 80 гаруй цагдаа, мэргэжлийн хяналтын хүмүүс ирсэн байсан.
Н.Алт