Х.Эрдэнэт-Од: Д.Сумъяа зоригтой, зорилготой учраас энэ их амжилтыг гаргаж байгаа

 

 

Монгол Улсын Ерөнхийлөгч
Х.Баттулга зарлиг гаргаж Үндэсний шигшээ багийн тамирчин Доржсүрэнгийн Сумъяад
Монгол Улсын Хөдөлмөрийн баатар, цол хүртээж өнөөдөр шагналыг гардуулан өгсөн юм. Энэ үеэр Монголын жүдо бөхийн холбооны шигшээ багийн
дасгалжуулагч Х.Эрдэнэт-Одтой уулзаж цөөхөн асуултад
хариулт авлаа. 

-Өнөөдөр таны шавь Монгол
Улсын Хөдөлмөрийн баатар цол хүртлээ. Сэтгэгдэлээ хуваалцахгүй юу?

-Дасгалжуулагч
багшийн хувьд маш их баяртай. Манай тамирчдаас анхны эмэгтэй Хөдөлмөрийн баатар цол
хүртэж байна. Д.Сумъяа зоригтой, зорилготой
учраас энэ их амжилтыг гаргаж байгаа.

-Ойрын зорилго юу байна. Д.Сумъяа жиндээ тэргүүлж байгаа. Одоо үлдэж байгаа дөрвөн тэмцээндээ
оролцох уу?

– Ерөнхийдөө тооцоо хэрэгтэй байгаа. Гэхдээ энэ
жилийн хувьд цуврал тэмцээндээ ороод явна.

-\”Рио-2016” олимпоор ДАШТ-ий алт, мөнгөн медальт, Бразилын Д.Сильвад вазари үнэлгээгээр ялагдаж,
мөнгөн медаль авч байсан. Харин Абу Дабигийн их дуулгаас Д.Сильваг ялж алтан медаль авсан. Энэ барилдаан ямар болсон бэ?

– Д.Сумъяа, Д.Сильва хоёр жиндээ хамгийн хүчтэй өрсөлдөгчид. Одоогийн байдлаар энэ хоёрын барилдаан тав, хоёрын
харьцаатай байгаа. Д.Сумъяа 3Рио-2016” олимпоос алтан медаль авах боломж байсан.
Харамсалтай нь бага зэрэг азгүйтсэн. Гэхдээ сая Абу
Дабигийн их дуулгаас Д.Сильваг ялж алтан медаль авсан. Барилдааны хувьд маш хүнд барилдаан байсан.

Н.Алт