Таван эрхэмд “Хэрэглэгчийн Онцгой Бүтээлийн Академич” цол хүртээлээ

 

МОНГОЛЫН ХЭРЭГЛЭГЧИЙН УДИРДЛАГЫН АКАДЕМИ үүсэн байгуулагдсаныхаа 5 жилийн
босгон дээр оюун ухааны өндөр чадамж, удаан жилийн уйгагүй хөдөлмөр
зүтгэлийнхээ үр дүнд бий болгосон онцлох бүтээл гаргасан 5 эрхэмийг
\”Хэрэглэгчийн Онцгой Бүтээлийн Академич” цол хүртээлээ.

Энэхүү ёслол хүндэтгэлийн арга хэмжээг Монгол улсын Хөдөлмөрийн баатруудын
холбоотой хамтран зохион байгуулж холбооны тэргүүн Монгол улсын хөдөлмөрийн
баатар, МУ-н
гавъяат нисгэгч Р.Батнасан, МУ-н хөдөлмөрийн баатар, Дэлхийн хошой аварга, олимпийн
мөнгөн медальт, дэлхийн бөхийн од З.Ойдов нарын тэргүүлэх гишүүд, Үндсэн
хуулийн цэцийн гишүүн, Монголын Хэрэглэгчийн Удирдлагын Академийн эрдмийн
зөвлөлийн дарга Т.Лхагваа, МУ-н ерөнхийлөгчийн соёл, шашны бодлогын зөвлөх Цоодолын
Хулан, Эрүүл мэндийн яамны төрийн нарийн бичгийн дарга Д.Очирбат, УИХ-н гишүүн, шадар сайд асан Монголын хэрэглэгчдийн эрх
ашгийг хамгаалах нийгэмлэгүүдийн холбооны ерөнхийлөгч Ц.Оюунбаатар, еранхий сайдын ажлын алба, Шударга өрсөлдөөн хэрэглэгчийн төлөөх газар,
зарим агентлагын дарга, удирдлагууд, хүндэт зочид оролцлоо.

Онцгой бүтээлийн Академич цол хүртсэн эрхэмүүд:

1.
Үндэсний
соёл урлалын гайхамшигийг харуулсан байгалийн аялал жуулчлалын \”Аглаг бүтээлийн
хийдийн цогцолбор” бүтээлээр нь хийдийн тэргүүн, Монгол улсын соёлын гавъяат
зүтгэлтэн Бурханч лам Ганхүүгийн Пүрэвбат

2.
\”Орчин
үеийн худалдаа, үйлдвэрлэл, үйлчилгээний хосолмол бизнесийн удирдлагын шинэ
тогтолцоо” бүтээлээр нь Номин Холдинг ХХК-ны зөвлөх, Монгол улсын их хурлын
гишүүн асан, Монгол улсын худалдааны гавъяат ажилтан Амарбаярын Шагдарсүрэн
түүний бүтээлийн багийн гишүүд болох:

– \”Номин Холдинг” ХХК-ын ерөнхийлөгч Шагдарсүрэнгийн Баярсайхан

– \”Номин Констракшн Девелопмент” групп ХХК-ны Ерөнхий захирал Монгол улсын аж үйлдвэрийн
гавъяат ажилтан Шагдарсүрэнгийн Уламбаяр

– \”Номин натуралтекстайл групп” ХХК-ны Төлөөлөн удирдах зөвлөлийн дарга Шагдарсүрэнгийн
Энхбаяр

3.
Эмийн
бус эмчилгээний арга болох Алтернатив анагаах ухаанд зайнаас нил улаан туяаны
энергээр эмчлэгч бүтээлээр нь:

Био энергийн үндэсний хүрээлэнгийн ерөнхий захирал
Алтернатив анагаах ухааны профессор Бэгзжавын Пүрэвсүрэн түүний бүтээлийн
багийн гишүүд болох:

– Био энергийн үндэсний хүрээлэнгийн санхүү хариуцсан
захирал Био энергич Банзрагчийн Даваажаргал

– Био энергийн үндэсний хүрээлэнгийн гүйцэтгэх захирал, био
энергич Банзрагчийн Дамдинсүрэн

4.
\”Орчин үеийн барилга байгууламжийн хийц загвар, чанар
аюулгүй байдлын баталгаа” бүтээлээр нь:

Жигүүр Гранд группийн ерөнхийлөгч, Монгол улсын гавъяат
барилгачин Дашбалжирын Баттөр

5.
\”Чацарганы тариалангийн үндэсний технологи,
механикжуулалтын шинэ хэв загвар” бүтээлээр нь:

Монгол улсын улсын чацаргана үйлдвэрлэгчдийн холбоо,
ГангарИнвест ХХК-ны агротехнологийн зөвлөх Бадамын Балган нар болно.