Гаднын урилгад дарагдах болсон Монгол жүжигчин /видео/

 

 

Анх \”Дэв”
киногоор олны танил болж байсан жүжигчин Ц.Цэрэнболдыг жинхэнэ Монгол эр хүний
шинжтэй жүжигчин гэж салбарынхан нь өөрсдөө үнэлдэг юм. \”Аав” киноны дүрээр \”Монголиан
Академи Авардс” наадмаас шилдэг эрэгтэй жүжигчнээр шалгарч \”Монгол Оскар”-ын
эзэн болсон тэрбээр сүүлийн үед гаднын кино урилгад дарагдах болжээ. Хамгийн
сүүлд Холливудын \”Марко Поло” кинонд Чингис хааны дүр, Канадын шилдэг кино
найрулагчийн Монголын тухай өгүүлэх \”Burn Your Maps” хэмээх кинонд бөөгийн дүр бүтээсэн тэрбээр энэ удаад
Казахстаны хамгийн том кино төсөлд оролцжээ. Ц.Цэрэнболд Казахстан Улс
байгуулагдсаны 550 жилийн ойд зориулан хийгдэж буй \”Хасаг ханлиг” хэмээх
телевизийн олон ангид кинонд тоглосон бөгөөд үргэлжлүүлэн тоглох эсэхийг киноны
зохиол шийдэх бололтой. Казахстан улс сүүлийн үед кино салбарт нэлээд моодонд
ороод буй барууны шилдэг цувралуудын адил \”Хасаг ханлиг” киног хийж байгаа
бөгөөд бүлэг тус бүр нь 10 ангитай. Өөрөөр хэлбэл, Ц.Цэрэнболд энэ киноны
нэгдүгээр бүлэгт тоглосон байна. Юутай ч, уг киноны албан ёсны трейлер
цацагдаж, тун удахгүй нээлтээ хийх гэж байна.