Монгол Улсын Үндсэн хуулийн цэц 2018 оны 1 дүгээр сарын 17-ны өдөр болсон их суудлын хуралдаанаараа Үндсэн хуулийн цэцийн 1994 оны 02, 2015 оны 01, 2016 оны 01 дүгээр тогтоолоор тус тус хүчингүй болсон Шүүх байгуулах тухай хуулийн холбогдох заалтыг Улсын Их Хурал агуулгаар нь дахин сэргээн баталсан эсэх маргааныг хяналтын журмаар хянан хэлэлцлээ. Монгол Улсын Их Хурлаас 2016 оны 5 дугаар сарын 13-ны өдөр Шүүх байгуулах тухай хуульд өөрчлөлт оруулах тухай хуулийг баталж дүүрэг тус бүр нэг шүүхтэй байхаар өөрчлөн найруулсан боловч Шүүх байгуулах тухай хуулийн 2 дугаар зүйлийн \”Нэг.Дүүргийн Иргэний хэргийн анхан шатны шүүх” гэсэн хэсгийн 8 дахь заалтад \”Багахангай, Налайх дүүргийн Иргэний хэргийн анхан шатны шүүх” гэж, мөн \”Хоёр.Дүүргийн Эрүүгийн хэргийн анхан шатны шүүх” гэсэн хэсгийн 8 дахь заалтад \”Багахангай, Налайх дүүргийн Эрүүгийн хэргийн анхан шатны шүүх” гэж хоёр дүүргийн дунд нэг анхан шатны шүүхийг байгуулан хуульчилсан нь дээр дурдсан Үндсэн хуулийн цэцийн шийдвэрээр хүчингүй болсон Шүүх байгуулах тухай хуулийн холбогдох заалтыг агуулгаар нь дахин сэргээсэн гэж үзэж Үндсэн хуулийн цэцээс 01 дүгээр тогтоолыг гаргалаа. Мөн Үндсэн хуулийн цэцийн тогтоолоор удаа дараа хүчингүй болсон Шүүх байгуулах тухай хуулийн холбогдох заалтыг агуулгаар нь дахин сэргээснээрээ Монгол Улсын Их Хурал Үндсэн хуулийн Нэгдүгээр зүйлийн 2 дахь хэсэгт заасан \”хууль дээдлэх” зарчмыг зөрчиж байгааг уг шийдвэртээ дурдсан байна.
![\"\"](http://undesten.mn/wp-content/uploads/2018/01/1516171018_hural-2-1024x755.jpg "\\"\\"")
![\"\"](http://undesten.mn/wp-content/uploads/2018/01/1516171190_1509505864_1505374277_21691060_1921722674762477_912024591_n.jpg "\\"\\"")
УИХ-ыг Үндсэн хуульд заасан хууль дээдлэх зарчмыг зөрчсөн гэж цэц үзлээ
}
Шинэ мэдээ
