6 настай хүүхэд хэдий болтол өвлийн хүйтэнд гадаа модон жорлонд бие засах вэ

 

 

МҮОНРТелевиз Монгол
Улсын ирээдүй болсон хүүхдүүдийн эрүүл мэнд, сайн сайхны төлөө \”MNB Сэтгэлийн үндэс” хэмээх бүтээн байгуулалтын аян
санаачлан эхлүүлж байгаа бөгөөд энэ аянд олон нийтийг оройлон оролцож, орон
даяар хэрэгжүүлэхэд нь сэтгэлээрээ дэмжихийг уриаллаа. МҮОНРТ нь олон нийтийн
байгууллага бөгөөд тийм ч үүдээс ЗЦГ болон Нийслэлийн хүүхэд, гэр бүлийн
хөгжлийн хэлтэстэй хамтарч дээрх аяныг эхлүүлж байна.

Энэ аяныг эхлүүлж
байгаатай холбогдуулан МҮОНРТ-ийн ерөнхий захирал Ц.Оюундарь, МҮОНР-ийн захирал
Б.Баярсайхан, СГЗ, сэтгүүлч Г.Золжаргал, ЗЦГ-ийн Урьдчилан сэргийлэх хэлтсийн
дарга, цагдаагийн хурандаа Э.Бөхбат болон Нийслэлийн хүүхэд, гэр бүл хэлтсийн
дарга Я.Байгалмаа нар хэвлэлийн хурал зарлаж мэдээлэл хийсэн юм. Хүүхдэд
чиглэсэн энэ аяны хүрээнд олон ажил хэрэгжүүлэхээр төлөвлөж байгаагаас өвлийн
хүйтэнд гадаа модон жорлонд бие засч буй 6 болон түүнээс дээш насны сурагчдыг
эрүүл орчинд суралцуулах, хүйтэн болон дулаан цагийн бохирын улмаас янз бүрийн
өвчин авах, доороосоо дайрсны улмаас бөөр, давсагны гэх мэт ойрын болон хожмын
янз бүрийн өвчтэй болох, тэдгээрийн эхлэлийг гадаах жорлон тавьдаг байдлыг
халахыг зорьжээ.

Түүнчлэн энэ нь байх ёстой, байдаг л зүйл мэт ойлгодог олон
нийт болон төрийн удирдлагуудыг энэ асуудалд анхаарлыг нь хандуулахаар зорьсон
байна. \”MNB Сэтгэлийн үндэс” аяны нөгөө нэг гол зорилт нь автын
осолд өртөж буй амь нас болон эрүүл мэндээрээ хохирч буй хүүхдүүдийн асуудал
бөгөөд манай улсад энэ үзэгдэл буурах битгий хэл жилээс жилд аажмаар өсч байгаа
нь хамгийн их сэтгэл эмзэглүүштэй зүйл юм. Нөгөө талаас эцэг, эхчүүд хүүхдүүдээ
өглөө оройдоо тэр бүр сургууль, цэцэрлэгт нь хүргэж өгч чаддаггүй, хүргэж
өгөхдөө аливаа нэг сургууль уруу эцэг, эхчүүдийн олон автомашин чиглэснээс
замын хөдөлгөөний түгжрэл үүсэх, үүднээс шалтгаалж ажилдаа хоцрох гэх мэт олон
сөрөг байдал бий болдог.

Тэгвэл \”MNB Сэтгэлийн үндэс” аянд нэгдсэн ЗЦГ, тэр дундаа тус газрын
Урьдчилан сэргийлэх хэлтсийнхэн хүүхдүүдийг зам тээврийн осолд өртөх эрсдэлийг
бууруулах, хүүхдүүдээ сургууль, цэцэрлэгт нь хүргэж өгөх эцэг эхчүүдийн
хөдөлгөөнөөс үүссэн замын түгжрэлийг бууруулах үүднээс олон нийтийн туслалцаа,
дэмжлэгтэйгээр сургууль, цэцэрлэгийн автобусыг бий болгож, нэг автомашинд нэг
хүүхэд бус нэг автобусанд нэлээд хэдэн хүүхэд зөөдөг болчихвол хүүхдүүдийн зам
тээврийн осолд өртөх магадлал ч буурна, замын хөдөлгөөний түгжрэл ч буурна
гэдгийг онцолсон юм.

Ямартай ч, Монголын ирээдүй болсон хүүхдүүдээ эрүүл,
аюулгүй орчинд амьдарч, сурч боловсрох эрхийг нь эдлүүлж, тэднийг сайн сайхан
ирээдүй рүү хөтлөх, сургуулиа тараад орой гэр лүүгээ харихдаа харанхуй гудмаар
явж, хүүхдэд таагүй санагддаг энэ мэт бүх орчин болон нийгмийг өөрчилж, тэдэнд
иймэрхүү хар бараан зүйлсийг байх ёстой зүйл биш гэдгийг ойлгуулж, орчинг
сайжруулахын тулд олон \”Сэтгэлийн үндэс” аяныг хэрэгжүүлэхээр болсон ба үүнд
олон нийт, аж ахуйн нэгжүүдийг нэгдэхийг уриалж байгаа юм. Гэхдээ бүх зүйлийг
мөнгөөр харахгүй байхыг хүсч, мөнгөгүй хийж болдог олон ажил байдгийг Нийслэлийн
хүүхэд, гэр бүл хэлтсийн дарга Я.Байгалмаа онцолсон юм.

Мөн НҮБ-ын байгууллагад
нэгдэж, энэхүү байгууллагын өмнө хүлээсэн үүргээ биелүүлж НҮБ-ын Хүүхдийн
эрхийн тухай конвецэд дурдсан зүйл заалтыг хэрэгжүүлж, Монгол хүүхдийг үнэ
цэнэтэй болгохыг тулд төрийн удирдлагуудыг оролцуулахыг зорьжээ.