Сэтгүүлч Л.Болормаа агсны хэргийг нэхэн сурвалжилна

 

 

 

Сүүлийн үед \”Ирвэс хамгаалах сан”-гийн биологич залуу Т.Лхагвасүмбэрэл
агсны амиа алдсан хэргийг илрүүлэхэд туслах нэхэн сурвалжлагууд нийгэмд нэлээд
хүрч, хүчээ авч байна. Энэ нь ч зөв. Хүн бүр дор бүрнээ энэ хэргийг илрүүлчих
юмсан хэмээн бодож эрэл хайгуул хийж байна.

Ард түмний сэтгэхүйд цагдаа,
хүчнийнхэн иймэрхүү ноцтой хэргүүдийг илрүүлж чаддаггүй, илрүүлэхийг хүсдэггүй,
ард түмнээс нуудаг гэсэн ойлголт хүчтэй суусан учир л хууль хүчнийнхэнд итгэхээр
өөрсдөдөө итгэж дор бүрнээ шинжээчид болж хувирлаа. Ямар сайндаа л хэд хэдэн
иргэнээс \”Т.Лхагвасүмбэрэл агсны амиа алдахаас өмнө гар утсан дээр бичигдсэн
бичлэгт муусайн формны голууд, ажлаа олигтойхон хийчихсэн бол юу гэж ийм юм
болдог юм гэж хэлснийг цагдаатай холбоотой гэдэгт эргэлзэхгүй байгаагаа
илэрхийлсэн юм”. Нэгэн үеэ бодвол монголчууд бид учир битүүлэг шалтгаанаар улстөрчдийн
золиос болсон иргэдээ хайрладаг болж. Өмнө нь олон ч нууцлаг хэрэг болж тэр
бүрт дарагдаад өнгөрдөг байсан.

Гэсэн ч ард түмний дунд одоог хэр нь
О.Дашбалбар, Ж.Наранцацралт, Б.Дангаасүрэн нарын хэрэг гаднын
нөлөөтэй гэсэн хардлага байсаар байгаа юм. Тэгвэл өнгөрсөн оны 11 дүгээр сарын
20-21-нд шилжих шөнө гэртээ шилдэг нийтлэлч, сэтгүүлч, \”The Mongolian Mining
Journal” сэтгүүл
/Монголын уул уурхайн сэтгүүл/-ийн үүсгэн байгуулагч, эрхлэгч Л.Болормаа
тун жигтэй байдлаар амиа алдсан. Түүний үхлийн шалтгааны анхны дүгнэлтийг
нөгөө л улиг болсон гаднын нөлөөгүй хэмээх үгээр хаахыг оролдсон боловч олон
хүний хараанаас үл мултарч үхлийн шалтгааныг задлан шинжилгээний хариугаар
тогтоосон. Шүүх эмнэлгийн задлан шинжилгээний хариуд талийгаач дагзны
хүчтэй доргилтын улмаас цус харваж нас барсан гэсэн
юм. Тодруулбал, түүний
толгойн ар хэсэгт хүчтэй доргилт үүссэний улмаас дагзны яс нь цөмөрч, доргилттой холбоотойгоор гэмтлийн
гаралтай цус харвалт болж, энэ нь шууд үхэлд хүргэсэн гэж албан ёсны тайлбар
хийв.

Ийм хэмжээний гэмтлийг гэртээ байсан хүн унаад авсан
гэдэгт нэг л итгэл төрөхгүй байгаагаас гадна түүнийг охинтойгоо хоёулхнаа
амьдардаг гэх шум байдаг. Ямартай ч, дагзны яс хүний гавлын ясны хамгийн
зузаан, бат бөх яс бөгөөд Л.Болормаа агсны энэ
хэрэгт гаднын нөлөө байгаа гэдэгт эргэлздэггүй. Тэгээд ч, уул уурхайд болж буй
бусармаг явдлуудын талаар хамгийн сайн мэддэг байсан түүнийг сорчилж хөнөөсөн
байх магадлалтай.

 

 

Нөгөө талаас Б.Болдсайхан эмч Л.Болормаа агсны задлан шинжилгээний хариунд
түшиглэн мэргэжлийн хүний тайлбарыг шинжлэх ухааны
үндэслэлтэй олон нийтэд хүргэсэн юм. Тиймээс \”ярилцлагын мастер”,
сэтгүүлч Б.Ганчимэг энэ
хэргийн араас нэхэн сурвалжлага хийхээ илэрхийлсэн юм.