![\"\"](http://undesten.mn/uploads/posts/2016-01/1453684144_download.jpg "\\"\\"")
Малчид, тээвэрчдэд зориулсан мэдээ: Өнөө маргаашдаа ихэнх нутгаар явган шуурга шуурч, хүйтэн байна.
2016 оны нэгдүгээр сарын 25-ны 08 цагаас 20 цаг хүртэл: Солигдмол үүлтэй. Төв болон зүүн зүгийн нутгийн зарим газраар бага зэргийн цас орно. Бусад нутгаар цас орохгүй. Салхи баруунаас секундэд 7-12 метр, Алтайн салбар уулс, Арц Богдын өвөр хоолойгоод секундэд 14-16 метр хүртэл ширүүсч, ихэнх нутгаар явган шуурга шуурна. Дархадын хотгор, Идэр, Тэс голын хөндий, Завхан голын эхээр 29-34 хэм, Увс нуурын хотгор, Хүрэн бэлчир, Хараа, Ерөө голын хөндийгөөр 22-27 хэм, Орхон-Сэлэнгэ, Туул, Тэрэлж, Хэрлэн, Улз, Халх голын сав газар, Дарьгангын тал нутгаар 17-22 хэм, говийн бүсийн баруун хэсгээр 8-13 хэм, бусад нутгаар 13-18 хэм хүйтэн байна.
УЛААНБААТАР ХОТ: Үүлшинэ. Цас орохгүй. Салхи баруун хойноос секундэд 7-12 метр, явган шуурга шуурна. Өдөртөө 17-19 хэм хүйтэн байна.
