![\"\"](http://undesten.mn/uploads/posts/2016-03/1457150653_6f6fafc3dc17ea03cdebe1e70e6b1c7ceaf36db6.jpg "\\"\\"")
Монголын бүх ард түмний спортын XIV их наадам өнөөдөр Скай ресортод эхэлжээ. Энэ жил спортын 20 төрөлд 290 гаруй багц медалийн төлөө 5400 гаруй тамирчид өрсөлдөх бөгөөд Жүдо, Чөлөөт, Бокс, Шатрын төрлүүд аваргуудаа тодруулаад байгаа аж.
Наадмын галт бамбарыг \”Сочи-2014\” өвлийн олимпод эх орноо төлөөлөн гүйлтийн цанын төрлөөр оролцсон Б.Бямбадорж, Ч.Отгонцэцэг нар буухиалан \”Лиллехаммер-2016\” залуучуудын өвлийн өвлийн олимпийн аварга Б.Сумъяад дамжуулснаар албан ёсоор бадамлан асжээ.
Нээлтийн арга хэмжээнд ЭМС-ын сайдын үүрэг гүйцэтгэгч Ц.Оюунбаатар, ЭМСЯ-ны төрийн нарийн бичгийн дарга С.Ламбаа, МҮОХ-ны дэд ерөнхийлөгч, ардын багш Ц.Дамдин, ЭМСЯ-ны газрын дарга Х.Бакытжан, Монголын цанын холбооны хүндэт ерөнхийлөгч Р.Раш, Монголын гимнастикийн холбооны ерөнхийлөгч Б.Лхагважав нар оролцов.
![\"\"](http://undesten.mn/uploads/posts/2016-03/1457150586_12771600_1147340515285291_5707844158361984629_o.jpg "\\"\\"")
![\"\"](http://undesten.mn/uploads/posts/2016-03/1457150598_12778974_1147340541951955_4133180565411651021_o.jpg "\\"\\"")
