Хүн төрөлхтөн техник
технологи, инженер, математик, байгалийн ухаан гээд олон салбарт гайхалтай нээлтүүдийг
хийж байсан. Тэдгээр нээлтийн ихэнх эзэд нь эрэгтэй эрдэмтэд байдаг. Удаан хугацааны туршид эмэгтэйчүүдийн үүрэг зөвхөн
гэрийн ажил хийж, нөхөр хүүхдээ асрахаар хязгаарлагдаж байсан нь нууц биш. Эмэгтэй эрдэмтдийн ололт амжилт олны дунд үл
ойшоогдож, мартагдах тохиолдол ч бий. Гэвч энэ зүй тогтлын эсрэг сөрөн зогсож, шинжлэх ухааны
салбарт гайхалтай нээлтүүдийг хийсэн бүсгүйчүүдийг танилцуулж байна.
Барбара Мак-Клинток (1902-1992)
Ботаникч,
генетикч, хүний генийн хөдөлгөөнт хэсгийн судлаач,\”Crazy Barbara” буюу \”Галзуу Барбара” нэрээрээ алдартай.
Физиологи,
анагаах ухааны салбарын Нобелийн шагнал авсан цорын ганц эмэгтэй. Хүний генийн
хөдөлгөөнт хэсгүүдийн онол нь эхэндээ олны эгдүүцлийг хүргэж, эрдэмтэн эмэгтэй
лабораторидоо ганцаар өнжих нь ихэссэн бөгөөд Нобелийн шагнал хүртэж, ололт
бүтээлүүд нь олонд хүлээн зөвшөөрөгдсөн ч зожиг зангаа гээгээгүй гэдэг.
Руби Сакаэ Хиросэ (1904-1960)
Америкт төрсөн Япон эрдэмтэн Руби Сакаэ Хиросэ
полиомиелиторын эсрэг вакцин гаргаж авахад үнэтэй хувь нэмэр оруулжээ. Түүний
хийж байсан судалгаа нь дэлхийн II дайны үеэр Япончуудын эсрэг хийсэн Америкчуудын хоригоос хамгаалж үлдсэн
байна. Харин түүний эцэг, ах дүүсийг хорих лагер луу явуулж байжээ.
Маргарет Дороти Фостер (1895-1970)
Маргарет Дороти Фостер дэлхийн II дайны үеэр цөмийн бөмбөг бүтээх Манхаттаны
судалгааг хийж байжээ. Судалгааны үр дүнд тэрээр хоёр шинэ түүхий
эд нээсний нэг нь тори, нөгөө нь уран юм.
Маргарет Рийд Левис (1881-1970)
Хавдарын эсрэг судалгаа төдийгүй эсийн
хөгжлийн явцыг хянах судалгаанд хувь нэмрээ оруулсан. Сүүн тэжээлтний эсийг
хуруу шилэнд өсгөсөн анхны эрдэмтэн юм.
Мэри Лийкей (1913-1996)
Их Британийн палеонтропогист Мэри Лийкей нөхөр
Луйс Лийкейн хамт эртний хүн зинжантропын араг ясыг илрүүлж байжээ.
Мэри Кюри (1867-1934)
Мэри Кюри 1903 онд нөхөр Пирри Кюритэйгийн хамт цацраг
идэвхт чанарт хийсэн судалгаагаараа Нобелийн шагнал хүртсэн анхны эмэгтэй
эрдэмтэн болж байжээ. Тэрээр туяанд бие даан судалгаа хийж, 1911 онд ахин
Нобелийн шагнал хүртсэнээрээ хоёр салбарт уг шагналыг хүртсэн цорын ганц хүн
болсон юм.
Иринь Жолио Кюри (1897-1956)
Мэри Кюригийн охин Иринь Кюри нөхөр Фредрик
Жолиогийн хамт зохиомол цацраг идэвхийн судалгаагаараа 1935 онд Нобелийн шагнал
хүртжээ. Тэдний судалгаа ураны атомын задралын нээлтэд чухал түлхэц болж
өгсөн.
Энни Жамп Кэннон (1863-1941)
Энни Жамп Кэннон бол АНУ-ын одон орон судлаач юм.
Түүний зохион бүтээсэн одон орон ангилах системийг одоо үед ч хэрэглэсээр байна.
Грейс Хоппер (1906-1992)
Компьютерийн эрин үеийн \”эмэг эх” гэдгээрээ алдартай. Тэрээр
1943 онд Харвардын Марк 1 компьютерийн анхны програмистаар ажиллаж, програмын
хэлийг хөрвүүлэх аргыг хөгжүүлжээ.
