Тулгар төрийн 2227 жил, Их Монгол Улс байгуулагдсаны 812 жил, Үндэсний эрх чөлөө, тусгаар тогтнолоо сэргээн мандуулсны 107 жил, Ардын хувьсгалын 97 жил, Ардчилсан хувьсгалын 29 жил, Үндэсний их баяр наадмыг тохиолдуулан Монгол Улсын Ерөнхийлөгч Х.Баттулга зарлиг гаргаж Монгол Улсын баатар цол, ардын болон гавьяат цол, төрийн одон медаль хүртээлээ. Төрийн дээд цол, одон, медаль гардуулах ёслол өнөөдөр Төрийн ордны Есөн хөлт, цагаан тугт танхимд болж, шагналыг Монгол Улсын Ерөнхийлөгч Х.Баттулга гардуулан өглөө.
Төрийн дээд одон медаль гардуулах ёслолын үеэр алдартнуудаас сэтгэгдлийг нь сонссон юм.
Ардын жүжигчин Г.Равдан: Мэргэжлийн урлагийн байгууллагад би 43 дахь жилдээ ажиллаж байна. Төр түмнийхээ өндөр их хайр хүндэтгэлийг хүлээж, магнай тэнийн баярлаж байна. Би өөрөө баярлахаас гадна олон хүнийг баярлуулсан гэж ойлгож байна. Яагаад гэвэл радио, телевизийн урлагаар дамжуулан миний хийж бүтээснийг сонссон, үзсэн олон түмэн хур баярлаж байгаа байх. Та бүхэндээ туйлаас их баярлалаа. Монголын олон сайхан яруу найрагч, аав, ээждээ баярлалаа. Мэргэжлийн урлагт анх хөтөлсөн олон сайхан багш нартаа баярлалаа.
Монгол улсын гавьяат жүжигчин П.Эрдэнэзаан: Төрийн хүндэтгэлийг хүлээж байгаадаа баяртай байна. Урам зориг, санал шүүмжлэл өгдөг нийт үзэгчдэдээ маш их баярлалаа. Би 20 гаруй кино уран бүтээл, 40 орчим энтертайнмент бүтээлд тоглосон байдаг. Хөдөлмөр, хөлс шингэсэн болохоор олон сайхан дүрүүдийг үзэгчид маань мэдэх байхаа.
Монгол улсын гавьяат жүжигчин О.Анужин: Баллетын урлагаар хичээллээд 13 жимл болж байна. дуурийн театарт ажиллаад найма дахь жилтэйгоо золгож байна. Энэ шагналыг дагаад маш том хариуцлага, маш том итгэл дагаж байна. Багш нартаа болон гэр бүлийнхэндээ баярлаж байна. Цаашид эх орныхоо нэрийг гаргасан уран бүтээл хийнэ гэж амлаж байна. 23 насандаа төрийн өндөр дээд шагналыг хүртлээ. Миний хувьд ер бусын гайхалтай өдөр байна.
Хөдөлмөрийн гавьяаны улаан тугийн одон Б.Жаргалмаа: Та бүхэндээ бүгдээрэнд нь баярлалаа. Миний өмнө ийм олон микрапон байна. Энэ та бүхний минь хайр, үзэгчдийн маань хайр надад ирсэн учраас би төр засгаараа ийнхүү үнэлүүлж байгаа байх. Ээждээ баярлалаа гэж хэлье.
