Н.Номтойбаяр Ерөнхий сайдыг шүүхэд өгөхөө мэдэгдлээ

 

УИХ-ын гишүүн Н.Номтойбаяр Ерөнхий сайд Ч.Сайханбилэгийг нэр төрд халдсан үндэслэлээр шүүхэд өгөхөө мэдэгдлээ.

 

Учир нь энэ сарын 30-31-нд болсон Монголын эдийн засгийн форумын нээлтэд гуйцэтгэх засаглапын тэргүүн үг хэлэхдээ зарим гишүүний нэрийг зарлаж, өрөө төлөхийг шаардсан нь үндэсний аж ахуйн нэгжүүдээ ялгаварласан төдийгүй хувь хүний нэр төрд халдсан үйлдэл боллоо гэж тэрбээр үзжээ. 

 

Ерөнхий сайд форумын үеэр хэлсэн үгэндээ \”Өнөөдрийн байдлаар Засгийн газарт хамаарах 4.9 тэрбум ам.долларын өр байна. Өрийн үлэмж хэсэг нь нэг талаас Монгол Улсынх мэт\’ харагдавч нөгөө талаас Засгийн газарт огт хамаагүй юм. Эдгээр нь УИХ-ын гишүүн Л.Энх-Амгапангийн \”ЭМ СИ ЭС”, Н.Номтойбаярын \”МАК”, О.Содбилэгийн \”НИК”, \”Петровис” зэрэг томоохон хувийн компаниудын зээл юм” хэмээн нэр зааж цоллосон. Гэтэл Засгийн газрыг тэргүүлж байгаа хүн эдийн засгийн форумын индрээс хувийн хэвшлийн хэдэн компаниа ялгаварласан нь увайгүй явдал боллоо гэж үзэх хүн олон байна. 

 

Түүнчлэн эдийн засгийн форумын гол зорилго нь хөрөнгө оруулагч татах байтал харин ч тэднийг үргээх аястай зүйл ярьсан нь олон хуний эгдүүг хургэж эхэллээ. Ямартай ч Ерөнхий сайд ийнхүү нэр, усыг нь заан цоллосон учраас УИХ-ын гишүүн Н.Номтойбаяртай утсаар холбогдож тайлбар авлаа. Тэрбээр \”Нэгдүгээрт, энэ бол Засгийн газрын өртэй ямар ч хамаагуй гэдгийг хэлье.

 

 Учир нь бид \”МАК\”-ийн цемент шохойн үйлдвэрийг барих нийт хөрөнгийн 80 орчим хувийг өөрсдөө гаргасан. Үлдсэн цөөн хувьд нь л Хөгжлийн банкнаас зээл авсан хэрэг. Манай компани 10 хувийн хүүтэй, 50 сая ам.долларын зээл авчихаад байгаа. Энэ үйлдвэрийн нийт өртөг нь 350 орчим сая ам.доллар юм. Өөрөөр хэлбэл, 270-аад сая ам.доллар буюу 80 орчим хувийг нь өөрсдөө босгосон. Тэр бүү хэл, эхний ээлжид бид 80 сая амдолларын зээл хүссэн ч 50 саяыг л олгосон. Аливаа бизнес эрхлэгчид бүх авдаг.

 

Гэтэл бидний хүссэн мөнгийг бүрэн гаргаж өгөөгүй. Одоо 30 сая ам.долларыг нь өгөөгүй байгаа юм. Бүтээн байгуулаптынхаа нийт өртгийн маш бага хувьд зээл авсан байтап үлдэгдэл хэсгийг нь өгөхгүй харин ч хор хохирол учруулж байж Ерөнхий сайд ингэж яллах ямар ч шалтгаан байхгүй. Тэгээд ч бид хууль ёсных нь бүх шаардлагыг биелүүлж байж энэ зээлийг авсан. Тухайлбал, үйлдвэрийн 80 хувийг барьцаалж байж зээл авсан. Өөрөөр хэлбэл, зээл авахын тулд ҮАБЗ-өөс зөвшөөрөл авахаас гадна импортыг орлох бүтээгдэхүүн үйлдвэрлэх ёстой гэсэн шаардлага тавьдаг.

 

Энэ бүхнийг хангаснаас гадна бид үйлдвэрийнхээ бүтээн байгуулалтын гуравны хоёр хувийг өөрсдөө бий болгочихсон юм. Тэгээд ч Ч.Сайханбилэг сайд \”УИХ-ын шшүүн Н.Номтойбаярын МАК компани\” гэж зарласан. Гэтэл энэ компанийг минийх гэж хэн хэлсэн юм. Би УИХ-ын гишүүний нэрээр зээл аваагүй. Гэсэн атал УИХ-ын гишүүний ажлыг компанитай холбосон нь гүтгэлгийн чанартай үйлдэл боллоо. Нөгөөтэйгүүр энэ зээлийг Ч.Сайханбилэг биш Н.Алтанхуягийн Засгийн газрын үед авсан.

 

 \”МАК” бол улсын төсөвт жилд 130 тэрбум төгрөгийн татвар төлдөг компани. Жишээ татаж хэпбэл, та бид зээл авахдаа цалингаа барьцаалдаг… шиг үйлдвэр барь-цаалсан л зээл юм. Санхүүжилт дутсан үед зээл авч таарсан нь л Хөгжлийн банк. Бид өөр аль нэг банкнаас зээл авч болох л байсан” гэлээ. Ямартай ч Ч.Сайханбилэг сайд эдийн засгийн форумын индэр дээрээс ийнхүү зарласан нь нэр төрд халдсан үйлдэл боллоо гэж тэрбээр үзэж байгаагаа хэлсэн. Тиймээс Ерөнхий сайдыг шүүхэд өгөхөө албан ёсоор мэдэгдпээ. 

 

\”МАК” компанийн хувьд 1979 оноос хойш Монгол Улсад бий болоогүй бүтээн байгуулалтыг өрнүүлж байгаа бөгөөд жилдээ сая тоннын хүчин чадалтай үйлдвэр болох ажээ. Н.Номтойбаяр гишүүний хувьд Дорнод аймагг томилолтоор ажиллаж байгаа бөгөөд өнөөдөртөө багтан /өчигдөр/ нийслэлд ирж, холбогдох газарт нь өргөдөл гаргана гэдгээ хэллээ.