Хог бол мөнгө. Үүнтэй санал нэгдэх цаг болсон. Хог дээрээс зөвхөн цаасыг нь ангилан ялгаж боловсруулахад л хангалттай ашиг авчрахаар тооцоо гарчээ. Хаягдал цаасыг дахин боловсруулах үйлдвэрлэл дэлхийн хэмжээнд \”IT” болон автомашины үйлдвэрлэлийн дараа орохуйц ашиг авчирдаг гэжээ.
![\"\"](http://undesten.mn/uploads/posts/2016-04/1461811354_1_700x700.jpg "\\"\\"")
Бидний жишээ авах дуртай БНХАУ гэхэд 2000 онд 40 сая тонн цаас борлуулснаас 13.6 сая тонныг хаягдал цаас маягаар эргүүлэн боловсруулж, ашигласан баримт байна. Энэ нь зах зээлд гаргасан бүх цаасны 30 хувь нь. Яагаад ийм холын жишээ татав гэж үү. Тэд тэр л цагаас хогоо мөнгө болгоод эхэлчихсэн болоод тэр.
Сүүлийн үед улс орнуудад хаягдал цаасыг дахин боловсруулах үйлдвэрлэл тун урагштай хөгжиж байна. Тухайлбал, БНСУ, ХБНГУ, Япон зэрэг оронд энэ үзүүлэлт 75 хувьтай яваа нь толгой цохиж байгаа хэрэг аж. Харин манай Монголд дээрх үзүүлэлт \”25 хувьтай…” гэсэн даруухан үзүүлэлт бий. \”Гучин хувьд дөхсөн…” ч л гэдэг. Ер нь бол манай улсын зах зээлд жилдээ 40-50 мянган тонн цаас борлогддог юм байна. Тэгэхээр дахин боловсруулж, ашиглаж болох мөн их нөөц цаад хог дээр чинь байна.
Зах зээлийн харилцаа Монгол амьдралд эргэж буцалтгүйгээр нутагшсан нөхцөлд дээрх их нөөцийг боловсруулах талаар сүүхээчилбэл бизнест хожих магадлал өндөр байна.
Хог мөнгө болохын жишээг энд дурдъя. Хаягдал цаас боловсруулах үйлдвэрлэл эрхэлбэл хамгийн ирээдүйтэй, хэзээ ч тасалдахгүй бизнес болно. Монголынхоо хаягдал цаасыг боловсруулаад цоо шинэ бүтээгдэхүүн хийхээр санаа шулуудвал \”Бизнесийн мэдээ” сонинд хандаж болох юм. Байгаль орчинд ямар нэгэн хор нөлөөгүй, \”бага оврын” гэж болохоор үйлдвэрлэлийн шугам импортоор олоод ирвэлч… Бидний судалсан үйлдвэр бол БНХАУ-ын Оюуны өмчийн газрын \”02228766-3” гэсэн баталгаажилттай.
Энэ тоног төхөөрөмжөөр \”00” цаас, салфетик, бичгийн цаас, барааны баглаа боодол, картон, шохойтой \”шар” цаас… гээд л хийнэ. Үйлдвэрлэлээ бага зэргийн нэмэн сайжруулалт хийчихвэл принтерийн цэмбэгэр цаасыг ч хийж болох гэнэ лээ. Хүн бүхэн хэрэглэдгээр нь \”00”-ын цаасаар жишээ аваад бяцхан тооцоо хийж үзлээ. Ийм төрлийн нэг тонн бүтээгдэхүүн гаргахад өөрийн өртөг нь 268.2 ам.доллар хавьцаа тусна. Харин бэлэн бараагаа зах зээл дээр гаргаж \”цацвал” 519.5 ам.доллар олно.
За яахав, сард дунджаар 30 тонн (Уг үйлдвэр өдөрт 1.5-2 тонн цаас дахин боловсруулах хүчин чадалтай) цаас хийнэ хэмээн сэтгэвэл 6493.5 ам.долларын цэвэр ашиг сардаа хийх боломжтой. Дунджаар шүү дээ!
Энэхүү үйлдвэрийн шугам нь 19.800 ам.долларын үнэтэй. Харин үйлдвэрээс гарах бохир усыг цэвэршүүлэх байгууламж нь 35.000 ам.доллар. Үндсэн түүхий эд нь хаягдал цаас. Ном, сонины хаягдал, муусайн цаасан хайрцагнууд, хэвлэх үйлдвэрийн цаасны хаягдал… гээд юмханаар юм хийчих боломжтой. Түүхий эд нь бараг л \”үнэгүй” байгаа биз дээ. 150-350 ам метр талбайтай байр шаардагдах юм билээ. Машинууд нь 380 вольтоор ажиллах гэнэ.
Эх сурвалж: Solongonews.mn
