Дуудлага болон Аялга хоёрын ялгааг эхлээд мэдэх хэрэгтэй. Үгийг зөв дуудаж сурах нь маш чухал. Гэхдээ тухайн үгийг зөв дуудаж байгаа боловч аялгатай хэлж болно. Жишээ нь: Энэтхэг хүмүүсийн яриа хоёр хацартаа чихэр үмхээд ярьж буй мэт бөөрөнхий сонсогддог. Гэхдээ ямар ч байсан ойлгож болоод байдаг. Тухайн улс, хэл соёлын ялгаанаас шалтгаалан Англи хэлний аялга янз бүр байдаг. Тэгэхээр Монгол хүн АНГЛИАР ярихдаа нэлээд хатуу сонсогддог нь манай хэл зүйн авианаас шалтгаалж буй хэрэг юм.
Хамгийн чухал зүйл бол үгийн дуудлага юм.
Үгийг зөв дуудаж сурах нь хамгийн чухал. Үгийг буруу дуудсанаар харилцагч тал чинь яриаг чинь ойлгохгүй байх магадлалтай.
Жишээ нь: “Way,” “weigh” “whey” үгнүүд яг адилхан дуудагддаг боловч “comb,” “bomb” “tomb” эдгээр үгнүүд бүгд өөр өөрөөр дуудагддаг.
Та бүхэнд дуудлага сайжруулах 3 аргыг зааж өгье.
1. Сонсголоо сайжруул гэж яриад байдаг. Гэхдээ сонсож сурах гэдэг ойлголт бас байдаг. Интернетээр ижил буюу ойролцоо дуудлагатай үгнүүдийн жагсаалтууд байдаг бөгөөд тэдгээрийг сонсоод ялгааг нь сайжруулж болно. Жишээ нь: Youtube, google дээр “ Similar Sounding Words” “ different words that sound the same” гэх мэтээр хайгаад сонсоод байж болно.
2. Монгол хэлэнд хэлэгддэггүй авианууд Англи хэлэнд байдаг. Жишээ нь TH, R, L авиа Монгол хэлэнд байхгүй. Эдгээр авиануудыг хэлж сурахын тулд эхлээд хэл, амны хайрцгаа зүгшрүүлэх нь чухал. Энгийн арга бол толинд өөрийгөө харж байгаад ярих дадлага хийж болно. Манай Монгол хэл амаа нэх ангайгаад яриад байдаггүй бол Англи хэл амаа маш том хөдөлгөж ярьдаг. Жишээ нь “TH” авиа буюу “Thank you” гэдэг үгийг зөв хэлж сурахын тулд “Three Thousand three Hundred Thirty Three” гээд маш хурдан мөртөө цэвэрхэн хэлж сурах дасгал байдаг. Ашиглаад үзээрэй.
3. Мөн тухайн үгийг хэрхэн хэлж байгаагаар нь үйл үг, эсвэл нэр үг гэдгээр нь ялгаж болно. Жишээ нь PREsent,” үгийн эхний хэсэг дэр өргөлт авч хэлбэл нэр үг болдог. “Бэлэг” гэдэг үг болно. Харин “preSENT” буюу сүүл хэсэгт нь өргөлт өгвөл үйл үг буюу үзүүлэх, харуулах, танилцуулах, байлгах гэх мэт утгатай болдог. Өөр жишээ гэвэл ADDress – нэр үг – Хаяг, addRESS – үйл үг – үг хэлэх, зүглүүлэх, хандуулах гэсэн утгатай болдог.
Дуудлага сайжруулах хамгийн чухал зүйл бол “СОНС, БАС ДАХИН СОНС”
Та бүхэнд өөрийн дуудлага сайжруулахдаа ашиглаж байсан 2 номыг сонсох файлын хамт хуваалцаж байна. Татаж аваад сонсоод байгаарай. https://drive.google.com/…/1vhOdJUa6xX-1DHzVEls0yHrK9V0wkOI…
Хүндэтгэсэн: Хишгээ
