Дэлхийн шилдэг цахим компаний ажилчидын үдийн цай ямар байдаг вэ

Дэлхийн
хэмжээний томоохон цахим сайтууд болох Google, Apple, Pixar, Dropbox, Facebook, Twitter зэрэг
компаниудын ажилчид үдийн цайндаа юу иддэг вэ? Орчин үеийн албан байгууллагын
цайны газрууд дэлхийн шилдэг ресторануудтай өрсөлдөхөөр болсон гэхэд
хилсдэхгүй. Мэдээж эдгээр цайны газрууд тухайн байгууллагын ажилчидад хоол хийж
өгдөг. Магадгүй томоохон компаниудын амжилттай ажиллаж байгаа нь ажилчидаа
сэтгэл дундуур байлгахгүйг хичээж, үдийн хоол оффисийн орчин зэрэг ажиллах
нөхцөл байдлыг дээд зэргээг хангасантай холбоотой ч байж болох юм. Ингээд цахим
салбарыг дэлхийд эзэгнэж байгаа байгууллагуудын ажилчдын үдийн цай ямар
байдгийг уншигч та бүхэнд сонирхуулья.

1.Google корпораци

Google корпорацийн
төв байр Нью Иорк хотноо байрладаг. Тус компани нь Манхеттений гайхалтай сайхан
үзэмжийг харж болохуйц тав тухтай хэсэгт зоогийн газраа байршуулсан байна.
Ажилчиддаа зориулж өдрийн гурван удаа хоол өгдөг бөгөөд хоолны газар нь хэд
хэдэн хэсэгтэй байдаг аж. Энэ нь үндсэн хоолны, зуушны, тараг болон ундааны мөн
түргэн хоолны зэрэг хэсгүүд байрлана. Дэлхийн хамгийн алдартайд тооцогдох
энэхүү компани интернетэд \” Хэрвээ та ажилдаа дургүй байгаа бол зүгээр л Google-д ажиллдаг найзтай болоод тэдний цайны газар
хүрэлцэн ирээрэй. Үнэхээр итгэмээргүй гайхалтай байх болно” хэмээн бичсэн
байна.

 

2.Apple корпораци

Apple корпорацийн
төв байр Калифорниа хотын Купертинод байрладаг. Тэд зоогийн газраа Caffè Macs
гэж нэрлэдэг бөгөөд маш цэлгэр уужим зайтай байдаг мөн л ажилчиддаа үнэгүй хоол
өгдөг. Caffè Macs нь Мексик, Итали, Япон, Испани, Франц үндэсний хоолнуудыг
хийдэг ба түргэн хоолнууд ч гаргадаг байна. Өглөөний цайндаа ажилтнууд нь
ихэвчлэн гүзээлзгэнэ, Франц маягаар шарсан талх, шоколадтай бялуу, шинэхэн шүүс
хэд хэдэн төрлийн зайрмаг бусад амттануудыг зооглодог. Мөн тэдний цэс байнга
өөрчлөгдөж шинэчлэгддэг гэнэ.

 

3.Facebook

СаяханFacebook-ийн
төв оффис Калифорниа хотын жижиг дүүрэг Менло парк руу нүүж ирсэн юм. Оффисын
ажилчид Эпик кафед өдрийн гурван удаа үнэгүй хоол иддэг. Энэ кафе нь ихэвчлэн
Америк Ази хоолоор үйлчилдэг бөгөөд та төв оффисын ажилтан л бол тэнд өдөр бүр
гурван удаа үнэгүй хооллож болно гэсэн үг. Мөн албаны зочидод урамшуулал
олгодог ба тэд маш өндөр хөнгөлөлттэй үнээр тэнд хооллох боломжтой байдаг гэнэ.

 

4.Dropbox

Dropbox-ийн
төв оффис Калифорниа хотын Сан Францискод байрладаг бөгөөд тэд цайны газраа Tuck
Shop гэж нэрлэдэг. Тэдний цайны газар 400 орчим метр талбайтай бөгөөд ямар
нэгэн хэмжээ тогтоолгүйгээр хооллодог байна. Өдрийн хэдэн удаа ч хооллосон
болно. Мөн тэдний зоогийн газрын тогооч нар нь дэлхийн хамгийн шилдэгт
тооцогддог дээд зэргийн тогооч нар байдаг.

 

5.Pixar

Pixar-ийн
зоогийн газар АНУ-ын Калифорниад байрладаг бөгөөд Люксо гэж нэрлэдэг. Тэнд
таныг Pixar анимешионы
дүрүүд болох Buzz Lightyear ,Woody нар угтаж авна. Кафе Люксо нь маш олон
төрлийн сонголтоор хоолоо хийдэг бөгөөд та өөрөө тавган дээр юу байлгахаа
шийдэж болдог гэнэ. Жишээлбэл, агч модны сироптой яргай загас, гамбургер,
шарсан равиоли, стейк, пизза мөн маш олон төрлийн амттан санал болгодог аж.

 

6.Twitter

Алдарт
микроблогын үйлчилгээний төв байр нь саяхан шинэ газар нүүж очсон юм. Тэд
Нарлаг Сан Францискогийн зүрхэнд байрлах 1937 онд баригдсан худалдааны
гудамжинд очжээ. Ажилчдын цайны газар нь мэдээж үнэ төлбөргүй үйлчилдэг бөгөөд
олон төрлийн сонголт бүхий цэстэй байдаг. Хамгийн сонирхолтой нь тэд хоолоо
захиалахдаа хаштаг буюу чагт ашиглаж захиалдаг гэнэ. Жишээ нь: #comfort food, #tenderloin, гэх
зэргээр.

Б.Нарангэрэл