Сагсан бөмбөгийн эрэгтэйчүүдийн 18 дахь удаагийн ДАШТ 2019.08.31-09.15-ны өдрүүдэд БНХАУ-ын Бээжин, Шанхай, Гуанжу, Фошан, Шенжен, Нанжин, Донгуан, Вухан хотуудад зохион байгуулагдаж байгаа билээ.
Өчигдөр тэмцээний хэсгүүдээс шалгарсан 16 багийн тоглолт өндөрлөж, шигшээ наймд тоглох багийн нэрс бүрэн тодорсон билээ. Харин өнөөдөр шигшээ найман багийн тоглолтууд явагдаж эхлэх гэж байна.
Өнөөдөр Польш, Венесуэлийн багийг хожиж шигшээ наймд үлдсэн Аргентины шигшээ баг хэсгээсээ Испанийг даган гарч ирсэн Сербийн шигшээ багтай 19.00 цагт тоглоно. Харин хэсгийн тоглолтод Итали, Сербийн хүчтэй багуудыг хожсон Испаний шигшээ баг ОХУ-ыг хожиж Аргентиныг даган гарч ирсэн Польшийн шигшээ багтай 21.00 цагт тоглох хуваарьтай байна.
Харин маргааш АНУ-Францын баг 19.00 цагт, Австрали-Чехийн баг 21.00 цагт тоглож хагас шигшээд шалгарах багууд бүрэн тодорно.
Энэ удаагийн ДАШТ-д Африкийн 5, Ази, номхон далайн 8, Европын 12, Америкийн 7, нийт 32 улсын баг оролцож байгаа юм.
Сагсанбөмбөгийн шигшээ найман багийн тоглолт өнөөдөр эхэлнэ
}
Шинэ мэдээ
