Эхнэр тань жирэмсэн боллоо. Залуу таны амьдралд шинэ vе эхэлж байна. Та хоёр гэр бvл төлөвлөлтөө хийхдээ өөрсдийн эрvvл мэндийн хамгийн сайн vед жирэмсэлсэн байвал сайн. Эхнэр нь хөл хvндтэй болох нь ирээдvйн аавын сэтгэл санаанд ч тодорхой өөрчлөлт авчирдаг.
Зарим эрчvvд мөдхөн төрөх хvvхдээ эрэгтэй байгаасай, намайг дуурайгаасай зэргээр илvv ихийг хvсдэг нь буруу юм. Эхнэр чинь ямар захиалгат бараа авчирах гэж байгаа биш дээ. Хэрэв зээ, хvссэн хvvхэд чинь гарахгvй бол эхнэр тань таны өмнө буруу хэрэг хийсэн хvvхэд шиг гэмших болно гэдгийг санаарай.Энэчлэн ирээдvйн аавуудад хэдэн зөвлөгөө хэлье.
-Хvv эсвэл охин төрөх талаар битгий урьдчилан ярилц.
-Эхнэр минь надад цаг зарцуулахгvй байна гэж битгий гомдолло.
-Дэлгvvр явж, юм угаа. Ингэснээр та эхнэрийнхээ талархлыг хvлээх болно.
-Хvvхдээ төрсний дараа хийх ажлаа төлөвлөн ярилц. Шинэ хvнийхээ өрөөг хэрхэн тохижуулах, ямар зvйлс хэрэгтэй болох талаар бас зөвлөлд.
-Жирэмсэн vед эхнэрийнхээ биед харшлах зvйлсийг битгий худалдалж авч өгөөрэй.
-Зvгээр суулгvй эхнэрээ дагуулан цэвэр агаарт алхах, салхинд суух зэргээр цагаа vр дvнтэй өнгөрvvлээрэй.
-Тамхи татдаг бол гэртээ тамхи татахгvй байхыг хичээ.
-Хэрэв зvvдэндээ янз бvрээр хөдөлдөг бол эхнэрийгээ жирэмсэн байх vед та тусдаа унтаж болно.
-Эхнэрээ төрөх дөхөх vед буюу таны эзгvйд гэнэт өвдөх тохиолдолд ямар арга хэмжээ авах талаар урьдчилан төлөвлөгөө гаргаж, хэрэгцээтэй утасны дугаар, унаа зэргийг бэлтгэж найз нөхөд, ойр төрлийн хvмvvс, хариуцсан эмч зэрэг хvмvvстэй урьдчилан тохиролцсон байх шаардлагатай.
-Гэргийгээ гэр орны хvнд ажлаас чөлөөлж, хангалттай хугацаагаар буюу өдөрт 10-аас доошгvй цагаар унтуулж амруулахаар өөрийнхөө ажлыг зохицуулах хэрэгтэй.
-Жирэмсний хугацаанд эхийн хоололт нь хvvхдийн бvхий л эрхтэн тогтолцооны хөгжил, цаашид хvvхэд болоод өөрийн эрvvл мэндэд асар их ач холбогдолтой. Энэ vед эхийг зөв хооллуулах буюу олон төрлийн илчлэг, амин дэмээр баялаг, амттай хооллыг бэлтгэж бага багаар, ойр ойрхон идvvлэх нь маш чухал.
-Амаржихаас өмнө төрөх газарт хэрэглэх дараах зvйлийг бэлтгээрэй. Хөвөн даавуугаар хийсэн ээлжийн дотуур хувцас, эвтэйхэн шаахай, эмнэлэгт өмсөх хөнгөн хувцас (цамц, өмд эсвэл унтлагын хувцас, толгой боох даавуу, алчуур), ариун цэврийн хэрэгсэл саван, алчуур, оо, сойз, хөвөн, тос зэрэг.
-Эхийн гэдэс томорч эхлэхэд нь усанд орох, хөлийн хумсаа авахад нь туслаарай.
