Жудо бөхийн эрэгтэйчүүдийн ангиллын 66 кг-ын жинд…
Энэ өдөр Жүдо бөхийн эрэгтэйчүүдийн ангиллын 66 кг-ын жинд ХХЕГ-ын \”Хилчин\” спорт хороо, \”Женко\” клубийн тамирчин ОУХМ Д.Төмөрхүлэг өрсөлдөж \”С” хэсгийг тэргүүлэн барилдахдаа Өмнөд Африкийн бөх Хамад Сулаймантай эхний тойрогт учраа таарч вазари үнэлгээгээр ялсан. Хоёр дахь барилдаандаа Алжирын тамирчин Хоуд Зоурданитой оноолт тааран барилдаж, ялсан.
Харин Италийн бөх Фабио Басилетэй барилдаж, хоёр вазари үнэлгээ алдан, ялагдал хүлээсэн юм. Ингэснээр манай тамирчин дагах барилдаан хийхээр болж байна. Канад улсын тамирчин Бочард Антуантай барилдаж, вазари үнэлгээгээр ялагдаж, 7 дугаар байранд орсноор тэмцээнээ өндөрлүүлсэн. Энэ жингийн аваргаар Итали улсын тамирчин Фабио Басиле тодорч, алтан медалиар энгэрээ мялаасан бол БНСУ-ын тамирчин Ан Баул мөнгөн медалийн эзэн болсон. Хүрэл медалийг ОХУ-ын тамирчин Ришод Собиров, Япон улсын бөх Масахи Ибинума хүртсэн. Ийнхүү Рио 2016 олимпийн их наадмын 66 кг-ын жинд шинэ аварга Итали улсаас төрсөн.
Жүдо бөхийн эмэгтэйчүүдийн 52 кг-ын жинд…
Энэ өдөр Жүдо бөхийн эмэгтэйчүүдийн 52 кг-ын жингийн барилдаан болсон. Энэ жинд манай улсаас оролцсон ОУХМ А.Цолмон эхний тойрогт АНУ-ын тамирчин Анжелика Делгадотой барилдан эхний ялалтаа авсан. Тэрээр өрсөлдөгчөө вазари үнэлгээгээр ялснаар анхны олимп дахь эхний ялалтаа авсан юм. Харин хоёр дахь тойрогтоо олимпийн наадмын хүрэл медальт, ДАШТ-ий гурван алт, нэг мөнгөн медальт Японы алдарт бөх Мисато Накамуратай оноолт таарч, ялагдсан.
Ингэснээр А.Цолмон тэмцээнээ өндөрлөсөн. Харин энэ жингийн аваргаар Косовогийн тамирчин Мажлинда Кэлмэнди тодорч, аваргын алтан медаль хүртсэн юм. Итали улсын бөх Гюфрида Одет мөнгөн медаль, Япон улсын тамирчин Мисато Накамура, ОХУ-ын тамирчин Наталья Кузютина нар хүрэл медалийн эзэн болсон юм.
Эмэгтэйчүүдийн 10 метрийн хийн гар бууны төрөлд…
Зургаа дахь олимпдоо оролцож буй Монгол Улсын хөдөлмөрийн баатар, гавьяат тамирчин, олимпийн мөнгөн медальт О.Гүндэгмаа 379 оноогоор одоогоор 20 дугаар байрт бичигдэж байна. Харин нэгдүгээр байрт 390 оноотойгоор ОХУ-ын тамирчин В.Виталина тэргүүлсэн. Харин Ц.Мөнхзулын хувьд 379 оноотойгоор 32 дугаар байрт орсноор энэ төрлийн буудлагын тэмцээнээ өндөрлүүлсэн. Манай 2 тамирчинд 20 метрийн хийн гар бууны төрлийн тэмцээн хүлээж байгаа юм.
Хүндийн өргөлтийн 56 кг-ын жинд…
\”Рио-2016” олимпийн наадмын хүндийн өргөлтийн 56 кг-ын жинд манай улсын тамирчин ОУХМ Ө.Чагнаадорж өрсөлдсөн. Тэрээр анхны захиалгаа 103 кг-аар өгсөн ч, өргөлт амжилтгүй болж, тэмцээнээ дуусгасан. Өмнө нь Ази тивийн Дэлхийн аварга шалгаруулах тэмцээнд 110 кг огцом өргөж, 140 түлхэлттэй өргөж байсан хэдий ч энэ удаа гурван оролдлого амжилтгүй болсон юм.
Үүнд, олимпод оролцох эрхийг түүнд 7 хоногийн өмнө ирүүлсэн, тэмцээн болохоос нэг өдрийн өмнө Рио Де Жанейрод бууснаас цагийн зөрүү сайн гараагүй.\”Рио-2016” зуны олимпийг зорих замдаа онгоцонд 3-4 кг жин хассан зэрэг сэтгэл санааны бэлтгэл хангалттай байгаагүй гэх мэт шалтгаан нөлөөлсөн байх талтай юм.
Боксын эрэгтэйчүүдийн 69 кг-ын жинд…
Олимпийн наадмын гурав дахь өдөр Байт харвааны төрөлд ОУХМ Ж.Гантөгс хасагдах харваанд Тайландын тамирчинтай өрсөлдөнө. Харин эрэгтэй жудо бөхийн 73 кг-ын жинд Г.Одбаяр Египтийн бөх Мохьелдин Мохамадтай барилдана. Эмэгтэй жудо бөхийн 57 кг-ын жинд Д.Сумъяа эхний тойрогтоо гоц мөргөж байгаа бөгөөд дараагийн тойрогт Нидерландын бөх Верхаген болон Сенегалын бөх Дийдхию нарын ялсантай нь барилдах юм байна. Түүнчлэн Боксын 46-49 кг жинд Г.Ган-Эрдэнэ Эквадорын боксчин Кипо Пилатахитай тулалдана.
Монголын Үндэсний олон нийтийн телевиз \”Рио-2016\” олимпийн наадмыг албан ёсны эрхтэйгээр шууд дамжуулж байна
