Ж.Батсуурь: Цэцэрлэгийн хүртээмжийг 16 мянгаар нэмэгдүүлж, их дээд сургуулиуд төлбөрөө нэмэхгүй

Их, сургуулиудтай сургалтын төлбөрөө нэмэгдүүлэхгүй байхаар тохиролцжээ

Өнгөрсөн долоо хоногт Боловсрол, соёл, шинжлэх ухаан, спортын сайд Ж.Батсуурь томоохон их, дээд сургуулийн захирлуудтай уулзаж 2016-2017 оны хичээлийн жилд сургалтын талбөрөө нэмэгдүүлэхгүй байх асуудлыг ярилцаж тохиролцоонд хүрсэн байна. Их дээд сургуулиуд энэ хичээлийн жилд сургалтын төлбөрөө нэмэхгүй, 2015-2016 оны төвшиндөө байлгахаар болсон гэдгийг мэдэгдлээ. Эдийн засгийн нөхцөл байдал хүнд, иргэдийн худалдан авах чадвар сул байгаа учраас сургалтын төлбөрийг нэмэгдүүлэхгүй, өнгөрсөн хичээлийн жилийн төвшинд байлгах чиглэлийг бүх их, дээд сургуулийн захирлуудад өгсөн гэдгийг Боловсрол, соёл, шинжлэх ухаан, спортын сайд Ж.Батсуурь хэллээ.

Цэцэрлэгийн хүртээмжийг ингэж нэмэгдүүлжээ

Боловсрол, соёл, шинжлэх ухаан, спортын сайд Ж.Батсуурь Улаанбаатар хотын захирагч Су.Батболд нар хамтран цэцэрлэгийн бүртгэл, хүртээмжийг нэмэгдүүлэх 11 зүйл бүхий албан даалгавар гаргажээ. Энэ жилийн хувьд цэцэрлэгийн хүртээмжийг улсын хэмжээнд нэмэгдүүлэх шаардлагатай бүх арга хэмжээг авч ажиллана гэдгийг салбарын сайд нь мэдэгдлээ. Урьдчилсан тоонмэдээгээрхөдөөд цэцэрлэгийн насны нийт хүүхдийн 84.6 хувийг, аймаг, нийслэлд 70 гаруй хувийг цэцэрлэгт хамруулах боломжтойгэж үзжээ. Өнгөрсөн жилийн хичээлийн шинэ жилтэй харьцуулахад 2016-2017 оны хичээлийн жилд16 мянган хүүхдээр цэцэрлэгийн элсэлтийн тоог нэмэгдүүлэхээр зохион байгуулж байгаа аж.Өнгөрсөн нэг жилийн хугацаанд 60 гаруй цэцэрлэг шинээр барьж нийт 6000 орчим хүүхдийг хүлээн авах боломжтой болсон байна. Дээр нь, идэвхтэй үйл ажиллагаа явуулж байгаа цэцэрлэгүүдийн орон тоо, хүчин чадлыг нэмэгдүүлэх, мөн хувийн компани, аж ахуйн нэгжүүд дэргэдээ цэцэрлэг байгуулж ажиллах нөхцөлөөр хангаж, тусгай зөвшөөрөлолгосноор 6000 хүүхдийг цэцэрлэгт хамруулах боломжтой гэж үзжээ. Мөн Хүүхэд харах үйлчилгээний төвөөр дамжиж4000 хүүхдийг цэцэрлэгт хамруулснаар ирэх хичээлийн жилд цэцэрлэгийн хүртээмжийг 16 мянган нэмэгдүүлэх боломжтой юм байна.

Ингээд цэцэрлэгийн бүртгэл хүртээмжтэй холбоотойгоор Боловсрол, соёл, шинжлэх ухаан, спортын яамны Сургуулийн өмнөх, бага боловсролын хэлтсийн дарга Б.Гантулгаас цөөн зүйлийг тодрууллаа.

-Цэцэрлэгийн бүртгэлийг хэрхэн зохион байгуулах вэ. Энэ жил цэцэрлэгийн бүртгэлийг сугалаагаар явуулах уу?

-Цэцэрлэгийн бүртгэлийн асуудлыг Нийслэлийн боловсролын газар хариуцаж явуулна. Одоогоор иргэдэд хүндрэл учруулахгүй зохион байгуулах чиглэлийг яамнаас өгсөн байгаа. Хүртээмжийг нэмэгдүүлж, чирэгдэлгүй зохион байгуулах албан даалгаврыг өгсөн. Тиймээс сугалаа явуулахаас өөр арга хэлбэрээрбүртгэлийг хэрхэн чирэгдэлгүй явуулахыг судална. Иргэд төрийн өмчийн цэцэрлэгт хүүхдээ хамруулах гэж зүтгэдэг. Тэгэхээр төрийн өмчийн цэцэрлэгээсгадна хувийн цэцэрлэгүүдэд чирэгдэлгүй бүртгүүлэх нөхцөлийг бүрдүүлж ажиллана.

-Өнгөрсөн жил төрийн өмчийн ЕБС-ийн багш нарын хүүхдүүдийг хувийн цэцэрлэгт үнэ төлбөргүй явуулах журам гарч байсан. Энэ жил үргэлжлэх үү?

-ЕБС-ийн багш нарын хүүхдүүдийг төрийн болон төрийн бус өмчийнцэцэрлэгүүдэд үнэ төлбөргүй явуулах санамж бичиг энэ жил ч хүчин төгөлдөр мөрдөгдөнө.

-Хүүхдэд харах үйлчилгээний төвүүдээр дамжиж хичнээн хүүхдэд цэцэрлэгт хамрагдах боломжтой юм бэ?

-Нийслэлийн хэмжээнд хамгийн багадаа 4000 гаруй хүүхдийг Хүүхэд харах үйлчилгээний төвүүдээр дамжуулж цэцэрлэгт хамруулна. Тухайн хүүхдийн хоолны мөнгийг төрөөс даахаар хуульчилсан байгаа. Үүний дагуу хамрагдах ёстой.