Нийслэлийн хүн амын махны хангамжийг нэмэгдүүлэх, үнийн тогтвортой байдлыг хангах зорилгоор Нийслэлийн Онцгой комиссын 2019 оны 08 дугаар сарын 19-ний өдрийн өргөтгөсөн хуралдаан, Нийслэлийн Засаг даргаас өгсөн үүрэг чиглэлийн хүрээнд махны өргөтгөсөн худалдааг аравдугаар сарын 30-аас арваннэгдүгээр сарын 03-ны өдрүүдэд Нийслэлийн төвийн зургаан дүүрэгт анх удаа зохион байгуулах гэж байна.
Уг өргөтгөсөн худалдаанд 21 аймгийн 330 сумдын төлөөлөл мал эмнэлгийн гарал үүслийн бичигтэй бэлтгэж ирсэн бог малын махыг Нийслэлийн томоохон зах, худалдааны төв, тодорхой байршлуудад, ил тайлбайд тээврийн хэрэгслээр худалдан борлуулах аж.
Мах худалдаалах төвүүд:
- Баянгол дүүргийн Хишиг худалдааны төвд: /Ховд, Завхан, Өвөрхангай/
- Баянзүрх дүүргийн Жуковын хөшөөний өмнөх талбайд: /Дорнод, Сүхбаатар, Баян-Өлгий/
- Сонгинохайрхан дүүргийн Хархорин захын эсрэг талд: /Говь-Алтай, Булган, Төв аймаг/
- Сүхбаатар дүүргийн Саруул худалдааны төвд: /Дорноговь, Архангай, Дархан-Уул, Орхон аймаг/
- Чингэлтэй дүүргийн Амин хүнс худалдааны төвд: /Сэлэнгэ,Төв, Дундговь, Хэнтий/
- Хан-Уул дүүргийн Лавай худалдааны төвд: /Баянхонгор, Хөвсгөл, Өмнөговь аймгаас ирсэн махны худалдаа зохион байгуулагдана.
Өргөтгөсөн худалдааг зохион байгуулагч Нийслэлийн Хүнс хөдөө аж ахуйн газраас Хүнсний тухай, Хүнсний бүтээгдэхүүний аюулгүй байдлыг хангах, Зөрчлийн тухай хууль болон тэдгээрт нийцүүлэн гаргасан дүрэм журам, стандартын хэрэгжилтийг хангуулах, илэрсэн зөрчил дутагдлыг арилгуулах, үүсэж болох эрсдлээс урьдчилан сэргийлэхэд тус өргөтгөсөн худалдааны зорилго оршиж байгаа юм.
