Хуульч Б.Гүнбилэг “Ам нээвэл” нэвтрүүлэгт оролцох үеэрээ “УИХ-ын дарга руу хутга барин дайрсан. Азаар хамгаалагч нь дараад унасан. Энэ тухай тэр үeдээ тас нуугаад өнгөрсөн. Тэр хүн нь ДМНН-ын Даш” гэдэг хүн байсан хэмээн мэдэгдсэн. Түүний энэхүү мэдэгдэл олны анхаарлыг ихээр татаж байгаа билээ.
Энэхүү үйл явдал “МАНАН” бүлэглэлийг нураах ард түмний тайван жагсаал нэгдүгээр сарын 10-ны өдөр Д.Сүхбаатарын талбайд болж, УИХ-ын гишүүн Л.Оюун-Эрдэнэ, Ж.Батзандан, Т.Аюурсайхан, Л.Болд, Х.Нямбаатар болон иргэний нийгмийн байгууллагуудын төлөөлөл тухайн үеийн УИХ-ын дарга М.Энхболдтой уулзах үед болсон хэмээн тайлбарласан.
Тэгвэл УИХ-ын дарга асан М.Энхболд өөрийн цахим хуудсаараа дамжуулан энэхүү асуудалд тайлбар өглөө. Тэрбээр “Над руу ухасхийсэн хүний гарт хутга байгаагүй. Харин хамгаалалтын албаныхан хутга хураасан гэж надад танилцуулж байсан. Би тэр үед ордны доторх болон гаднах нөхцөл байдлыг сайн мэдэрч байсан тул энэ асуудлыг дэвэргэх шаардлагагүй гэж хэлсэн. Тухайн үед нь иргэд бухимдалтай байна, аргагүй бизээ амьдрал сайнгүй байна шүү дээ гэж би хэлж байсан” хэмээсэн байна.
М.Энхболд цахим хуудсаараа дамжуулан “хүний гарт хутга байгаагүй” хэмээн мэдэгдлээ
}
Шинэ мэдээ
