![\"\"](http://undesten.mn/uploads/posts/2016-08/1472537591_asa.jpg "\\"\\"")
Монголын чөлөөт бөхийн холбооноос мэдээлэл хийлээ. Дэлхийн чөлөөт бөхийн холбооноос бүдүүлэг үйлдэл гаргасан дасгалжуулагч нартаа хариуцлага тооц гэсэн албан бичиг иржээ.
Албан бичгийг Д.Сумьяабазар \”Мандахнарангийн хувьд маш сайн барилдсан. Медаль авсныг хэлүүлэлтгүй мэдэж байгаа. Мандахнарангийн асуудал бол тусдаа. Дэлхийн Чөлөөт Бөхийн Холбооноос албан тоот ирэхдээ Монгол дасгалжуулагчдын үйлдэл дэлхийн нэгдсэн бөхийн холбооны нэр хүндийг гутаасан. Тиймээс танай бүх тамирчныг бүх төрөлд энэ асуудлыг шийдэгдтэл ямар ч тэмцээнд оруулахыг түдгэлзүүүлж байна гэсэн байна. Есдүгээр сарын 1-н гэхэд ЧБХ байр сууриа илэрхийлж явуулах эрхтэй. Дараа нь олон улсын спортын арбитрийн шүүхэд хандах эрхтэй гэсэн бичиг иржээ\” гэлээ.
МЧБХ-ноос хоёр дасгалжуулагчийн эрхийг хоёр жилийн хугацаагаар хасах шийтгэл ноогдуулахаар болсон байна. Мөн ажлын хэсэг байгуулж Мандахнарангийн барилдааныг судлахаар болсон тухай мэдэгдлээ. Хэрэв медалиа эргүүлж авах боломжтой бол олон улсын шүүхэд хандах юм байна.
![\"\"](http://undesten.mn/uploads/posts/2016-08/1472537637_medee.jpg "\\"\\"")
МЧБХ-ны удирдлагуудын мэдээллийн дараа Гавьяат тамирчин Г.Мандахнаран болон олимпийн наадмын үеэр бүдүүлэг алдаа гаргасан хэмээн холбооноосоо шийтгэл сонсоод байгаа Ц.Цогтбаяр, Б.Баяраа нар мэдээлэл хийлээ.
Тухайлбал Б.Баяраа дасгалжуулагч \”Энэ олон жил хийсэн хөдөлмөрийн үр дүнд шавиа олимпийн медальтан болох гэж зүтгэснээрээ эрхээ хасуулж байгаад гомдолтой байна. Дэлхийн чөлөөт бөхийн холбооны ерөнхийлөгч \”Бохир шүүлт байгаа. Үүнтэй бид хамтаар тэмцэх болно\” гэж хэлсэн. Мөн Г.Мандахнарангийн барилдааны өмнө манай холбооны нарийн бичиг \”Өрсөлдөгчөө ялахаас гадна булхайтай шүүлтийг давсан тийм л барилдаан болно\” гэж мэдэгдэж байсан. Өөрөөр хэлбэл буруу шүүлттэй барилдаан болж байгааг бүгд л хүлээн зөвшөөрч байсан шүү дээ. Дэлхий нийтээрээ дэмжиж гарсан энэ асуудлыг бидний буруу гээд хүлээн зөвшөөрч байгаад харамсалтай байна\” гэв.
Амар
Үндэстэн агентлаг
