“Хера Холдинг” компанийн захирал Хассуурын Ганхуяг Ардчилсан намын удирдлагуудын хууль бус үйлдлүүдийн талаар холбогдох байгууллагуудаар шалгуулах талаар мэдээлэл хийлээ. Тэрээр хэлэхдээ АН-ын нэр бүхий гишүүдийн олон нийтэд мэдээлж өгөхийг хүссэн захидал ирсэниийг дуулгаж, УИХ-ын сонгуульд нэр дэвшихийн тулд С.Эрдэнэ даргатай АН хэд хэдэн хуулийг ноцтой зөрчиж байгааг мэдэгдэв. Мөн тэрээр нэр бүхий АН-ын гишүүдийн захидалд дурдсан асуудлаас гадна сонгуулийн хандив авах хуулийн хугацаа болоогүй байхад их хэмжээний мөнгө буюу 100 сая, 300 сая төгрөг нэр дэвшигчдээсээ авч буй асуудлыг шилэн болгохыг шаардсан юм.
Хассуурын Ганхуяг т ирсэн захидалд С.Эрдэнийн буруутай үйл ажиллагааг шүүмжилж, Ардчилсан нам мөнгө, эрх мэдлийг чухалчилж, шударга гишүүдээ алагчлан гоочилж, боловсрол эзэмшиж, мэдлэг туршлага хуримтлуулсан мянга мянган боловсролтой залуусынхаа итгэл үнэмшил, үнэт зүйлсийг үгүй хийж байгааг дурдсан байна.
Тодруулбал 2020 оны сонгуульд нэр дэвших хүсэлтэй гишүүдээсээ 100 саяын дэнчин авч, дотооддоо өрсөлдүүлж байгаа нь Үндсэн хуулийн сонгох сонгогдох эрхийг хязгаарласан. Улс төрийн намын тухай хууль, Сонгуулийн тухай хууль, Эрүүгийн хуулиудыг ноцтой зөрчжээ.
Үндсэн хуулийн 14 дүгээр зүйлд иргэний сонгох сонгогдох эрх, Улс төрийн намын тухай хуулийн “сонгуульд нэр дэвших, сонгогдох эрхийг хөрөнгө чинээгээр хязгаарлаж болохгүй” гэх заалт, УИХ-ын Сонгуулийн тухай хуулийн 5 дугаар зүйлийн 5.5-т заасан “…иргэний сонгох, сонгогдох эрхийг хууль бусаар хязгаарлахыг хориглоно” гэсэн заалтыг, мөн Эрүүгийн хуулийн 14.5, 22.12 дугаар зүйлийг тус тус зөрчсөн аж. Иймээс Хүний эрхийн үндэсний комисс, ТЕГ болон АТГ-т хандана гэдгийг Х.Ганхуяг онцоллоо.Мөн энэхүү 100 саяын татварыг 60 тэрбумын хэргээс илүү ноцтой төрийн эрх мэдлийг хууль бусаар авах гэсэн оролдлого гээд С.Эрдэнээс 100 саяын дэнчин өгсөн хүмүүсийн нэр болон дансаа 24 цагийн дотор ил болгохыг шаардав.
АН-ын нэр бүхий гишүүдийн олон нийтэд хүргэхийг хүссэн захидлыг бүрэн эхээр нь хүргэж байна.
