УИХ-ын гишүүн Л.Оюун-Эрдэнэ: Чоно борооноор гэдэг шиг зүйл болж байна. “Эрдэнэт”-ийн 49 хувийн лобби Цэц дээр явж байгаа. Энэ мэдээллийг удаа дараа авч Засгийн газрын хуралаан дээр ярьж байсан юм.
Арай ч бас Цэцийг ингэтлээ дампуурчихгүй байх гэж найдаж явсан юм.
49 хувийн төлөөллөөр томилогдсон Нанзаддорж тэргүүтэй Цэцийн хэдэн нөхөд улсад нэг их наяд төгрөгийн татвар төлөөд явж байгаа Эрдэнэт үйлдвэрийг оруулж ирж байна. 49-тай холбоотой асуудлыг сонгуулийн өмнө яг ийм аргаар шийдэж байсан. Өнөөдөр онцгой дэглэм тогтоосон 1991 оны хуулийг хүчингүй болгох асуудал оруулж ирж байна. Тэнд ямар луйвар хийдэг байсныг илрүүлсэн. Үүнийг удахгүй хууль хяналтын байгууллагад шилжүүлнэ. Төрд тангараг өргөсөн субъектүүд хувийн компанид үйлчилдгээ болимоор юм.
Төрийн мөнгөөр авсан үйлдвэр улсад байж яагаад болохгүй байгаа юм бэ.
Сонгууль дөхөөд 1991 оны хуулийг хүчингүй болно. Онцгой дэглэм тогтоох боломжгүй болгож байгаад М.Батсуурь тэргүүтэй Захиргааны хэргийн шүүх Засгийн газрын “Эрдэнэт үйлдвэрийг ТӨҮГ болгосон тогтоолыг хүчингүй болгох уулзалт хийж байна. Үүний илрэл парламентын танхимд өнөөдөр дахин орж ирж байна. Улсад нэг их наяд төгрөгийн татварыг Эрдэнэт төлсөн. Энэ үйлдвэрийг ард түмэнд нь үлдээчих л дээ УИХ-ын гишүүд энэ дүгнэлтийг хүлээж авч болохгүй.
ҮХЦ-ийн гишүүд турж үхэх гээд байна уу, хувийн компаниуд турж үхэх гээд байна уу.
Хэрвээ үүнийг хүлээж авбал Эрдэнэтийн 49 хувийг худалдаж авах асуудал дээр УИХ-ын гишүүд оролцсон гэж үзнэ шүү. Хууль хяналтын байгууллагын удирдлагууд хүртэл манай өрөөнд орж ирж намайг дарамталсан.
Эрдэнэтийн 49 хувийн төлөөлөлтэй уулз гэж хоёр удаа дарамталсан. Нэг нь зургаан сарын онцгой дэглэм тогтоосон өдөр, нөгөө нь онцгой дэглэм тогтоосон өдөр. Монголын төрд үүрлэсэн хэдэн үзэгдэл ингэж даварч болохгүй шүү. Энэ цаашдаа үеийн үед тод хар түүх болж үлдэнэ
УИХ-ын гишүүн Ц.Нямдорж: ҮХЦ-ийн дүгнэлтэд 1992 оны 12 дугаар сард гаргасан хууль тогтоомж болон албан тушаалтнуудад холбогдох заалтыг хянан шийдвэрлэнэ гэсэн байна.
Энэ чинь өмнө нь мөрдөж байсан хуулийн заалтыг хүчингүй болгож байна. Ингээд ажил эхэллээ. ҮХЦ-ийн хуралдаанд оролцсон Цэрэнбадам гэж хүн юун этгээд вэ. Худалдаа хөгжлийн банкинд байж байгаад Эрдэнэтэд хуулийн хэлтэст очоод 49-ийн бүх ажлыг удирдаг байсан Цэрэнбадам мөн үү. Ийм хүнийг оролцуулсан чинь зөв юм уу.
Яг гэтээд байгаа юм нь энэ. Цэцээр дамжуулж сонгуулийн өмнө будлианаа хутгаж авах гэж байна.
Энэ луйварчдын чинь хэрэг шүүхэд шилжиж байгаа шүү. Гэтэл Цэц төлөөллийг нь оролцуулаад захиалгаар ньшийдвэр гаргаж байдаг.
Ц.Нанзаддорж гэдэг этгээд зорилготой тавигдсан хүн шүү. Сүлжээний гол зохицуулагчийн нэг. ТӨХ-нд ажиллаж байсан. Хөтлийн асуудлыг шийдвэрлэх үед байсан. Дарханы төмөрлөгийн үйлдвэрийн үед ч байсан. ҮХЦ-д захиалгаар томилогдсон. Хуульзүйн байнгын хороо яагаад ийм дүгнэлтийг хүлээж авна гэсэн юм. МАН-ын гишүүд ээ, “Эрдэнэт” үйлдвэрийн талаар гаргасан шийдвэрээ мартаагүй биз. Тэрнийхэээсрэг дүгнэлт оруулж байгааг чинь юу гэж ойлгох вэ. Найраанд орсон байна гэж үзэх үү, үүлэн чөлөөний нарыг ашиглах гэж байна гэж үзэх үү. Нам дамжсан бүлэг хулгайч нарын захиалгаар оруулж ирж байгаа асуудлыг байнгын хороо яагаад дэмжсэн юм. МАН-ын байнгын хорооны гишүүдээ.
Сонгуулийн өмнө оруулж ирээд онцгой дэглэм тогтоосон Засгийн газар, Их хурлын тогтоолыг хүчингүй болгох гэж байгаа юм. Өмнөх 49-ийн асуудлаар Цэц дээр маргаан шийдвэрлэгдэж байхад юу болсныг би мэдэж байгаа шүү.
