Гал тогоонд байгаа хүнсний илүү хаягдал хэсгүүдээ хаяхаа түр азнаарай. Зүгээр хаягдал шиг харагддаг эдгээр зүйлсийг ч зарим зүйлд хэрэглэж болдог шүү.
1. Тарвасны хальс
Тарвасны хальс ч мөн амин дэмтэй байдаг. Витамин С, В6 агуулдгаас гадна энэ мөн таны сексийн амьдралыг улам амттай болгоно. 2008 оны Техасын Их Сургуулийн эрдэмтдийн хийсэн судалгаагаар тарвасны хальсанд биен дэх амино хүчлийг хувирган, цусны эргэлтийг сайжруулах нийлмэл цитрулин агуулдагддаг нь батлагджээ. Мэдээж эрэгтэй хүний чухал эрхтний цусны эргэлт ч мөн сайжирдаг. Хальсыг нь жимсний смүүтинд холиод хийж болно. Эсвэл жижилээд шарж болох ба яг л шарсан хаш шиг л амтагдана.
2. Гадилын хальс
2013 оны судалгаагаар дэлхий дээр жил бүр 40 сая тонн гадилын хальс хаягддаг байна. Харин та гадилын хальсны гадна талаар савхин эсвэл арьсан эдлэлээ үрж, өнгөлөхөд ашиглаж болно. Хальсны дотор хэсгээр шархан дээр эсвэл хөхөрсөн хэсэг дээрээ зөөлөн үрвэл калиг хангаж, хурдан эдгэхэд тустай. Мөн хөрс бордоход хэрэглэж болно. Ингэхийн тулд варианы шилтэй усанд гадилын хальс хийж байлгана. Дараа нь нэг хэсэг гадилтай усан дээр таван хэсэг энгийн ус хийгээд цэцэг, ногоогоо хийж болно. Гадилын хальсыг бүр идэж болдог. Судалгаагаар уг хальсанд чихрийн шижинтэй тэмцэх, зүрхний өвчин, хавдрын эсрэг антиоксидант агуулагддаг бөгөөд сайтар угаагаад жимсний смүүтинд блэндэрдэн хийж болно. Эсвэл хэрчээд, 10 минут буцалгаад хоолондоо хольж хэрэглэж болно. Энэтхэг ногооны карринд гадилын хальсыг хэрчиж буцалгаад хийдэг ба энэ нь маш эрүүл хоолонд тооцогддог.
3. Хулууны доторх хэсэг
Хулуу нь витамин А, С, Е, мөн цайр агуулдаг учир төгс нүүрний маск болдог. 2 цайны халбага лаазтай хулууны нухашыг ½ цайны халбага зөгийн бал, ½ халбага сүү, ¼ цайны халбага синнамонтой холино. Нүүрэндээ түрхээд 10 минут болгоод угааж арилгана. Хуурай арьстай бол бага зэрэг бор сахар нэмээд арьсыг гуужуулж, чийгшүүлнэ. Харин тослог арьстай бол хэдэн дусал цангис жимсний шүүс нэмбэл арьсны тогтвортой байдлыг хангаж, илүү их антиоксидантаар хангана.
4. Төмсний хальс
Төмсний хальсыг өргөст хэмхийн хальс шиг нүүрэндээ тавьж хэрэглэж болно. Ингэснээр хөшүүн арьсыг зөөлрүүлж, нүдний доорх хар хүрээг арилгадаг. Төмсөнд агуулагддаг энзим нь арьсыг цайруулах шид агуулж байдаг. 2 хэрчим төмсийг нүдэн дээрээ тавиад 10 минут байлгана. Шүүс нь арьсанд шингэж, гайхалтай ид шидээ харуулах болно. 7 хоногт 2 удаа тавихад болно.
5. Хуучирсан талх
Олон хонож, хуучирсан талхыг махны машины үлдсэн хэсгийг гаргаж, эвгүй үнэрийг арилгахад хэрэглэж болно. Мөн ханан дээрх толбо, өнгийн харандааны толбыг хүртэл арилгадаг. Талхны хатуу захыг аваад зөөлөн хэсгээр нь үрж баллуур шиг ашиглана.
6. Сонгины хальс
Сонгины гадна талын нимгэн хальс нь артерын судсыг бөглөрөхөөс сэргийлэх, цусанд дахь сахарыг тогтворжуулах, үрэвслийг багасгах амин дэм агуулж байдаг. тиймээс сонгиноос аль болох хаягдал гаргалгүй, хальсыг нь махны шөл, зутанд хийж буцалгаад, амин дэмийг нь авсны дараа авчихаж болно.
7. Хугацаа нь дууссан оливийн тос
Оливийн тосыг удаан хадгалж, амт чанараа алдсан ч гэсэн та үүнийг ашигтайгаар хэрэглэж болно. Хөвөнд шингээгээд нүдний будгаа арилгаж болно. Нохойныхоо сарвуунд оливийн тосоор массаж хийж өгснөөр өвчнийг нь авдаг. Мөн ваартай ургамлын навчийг арчиж эсвэл гутлаа өнгөлж болно.
8. Навчит манжингийн иш
Навчит манжингийн навчийг дундад зууны үеэс хоолонд хэрэглэж иржээ. Уг ургамал нь амино хүчлийг нэмэгдүүлж, шарх эсвэл хагалгааны дараа бие хурдан тэнхрэхэд тусалдаг. Дөрвөлжин хэрчээд 20 минут шараад, нимбэгийн шүүс, сармис, давс перецээр амталж болно. Эсвэл бүтнээр нь блэндэрдээд смүүтинд хийж болно.
