Мэргэжлийн боксын IBO холбооны аварга, МУГТ “King Tug” хочит Нямбаярын Төгсцогт дэлхийн ринг дээрх замналын 13 дахь тулаанаа Барбадос улсын тамирчин Кобиа Брийдитэй хийж, маш хэрэгтэй ялалтыг авч чадлаа.
Ингэснээр тэрээр WBC холбооны аваргын бүсийн төлөө Гари Расселлтай дахин хүч үзэх эрхтэй болж байна. 28 настай Кобиа Брийди 2014 онд мэргэжлийн бокс руу шилжиж, нийт 15 тулаан хийснээс бүх тулаандаа ялалт байгуулаад буй шилдэг боксчин. Гэхдээ Төгсөө эхний гурван үед илүүрхэн хоёр ч удаа өрсөлдөгчөө тоолууллаа. Ийнхүү 12 үеийн дараа шүүгч ялалтыг Төгсөө рүү зааснаар ийнхүү 13 тулаан хийж 12 ялж, нэг ялагдсан үзүүлэлттэй болж байна.
Одоо Төгсөөг мэргэжлийн боксын WBC холбооны хөнгөн жингийн аваргын бүсний төлөө Гарри Рассель Жуниор хүлээн байна.
Мөн тэрээр энэ тулаанд “Монгол Үндэстэн Монгол хэл бичиг Үүрд!” гэсэн уйгаржин Монгол бичигтэй өмсгөл өмсөж орсон юм. Энэ нь Өвөр Монголд үүсээд буй асуудлыг дэлхийн нийтийн анхааралд аваачих гэсэн санаа агуулгатай гэж тайлбарлаж байсан. Тэгвэл тэрээр ялалт байгуулснаар ийнхүү зорилгодоо хүрч чадлаа гэж дүгнэхээр байна.
