Өнөөдөр АН-ын гишүүд Орон нутгийн сонгуульд АН нь МАХН, Шинэ намтай эвсэн сонгуульд орж байгааг эсэргүүцэж байгаагаа илэрхийлэн хэвлэлийн бага хурал хийлээ. Тэд “Ардчилсан нам ардчиллагүй, өөрийн гэсэн дүрэмгүй, анархиёт нам болж хувирсан. Гишүүдийнхээ шгийг сонсдоггүй, дарга нарын наймаа, ашиг хожнооны нам болж хувирсан.
Монголын Үндэсний хэмжээний АН-ыг үзэл баримтлал, үнэт зүйлгүй болгож хувиргасны төлөө үе үеийн дарга нар хариуцлага хүлээх ёстой гэж мэдэгдсэн юм. АН-ыг нугачин дарахын төлөө байнга хор найруулж, ардчиллыг булшилахаар улааран зүтгэж байсан Н.Энхбаяр, намаа ялагадалд хүргэсэн, жирийн гишүүдээ талцуулан хэрэлдүүлсэн Шинэ гэх намын дарга Л.Болд, Д.Батзандан нартай нийлж сонгуульд орж, НИТХ-д дандаа дарга даамлуудын хүүхдүүд нэр дэвшүүлсэн. Тэр нэр дэвшигчид нь намтраа ч зөв бичиж чадахгүй байгаад бухимдаж байлаа.
Мөн энэ хурлын үеэр АН-ын жирийн гишүүд дэмжигчдийн холбоог байгуулж байгаагаа зарласан юм. Тэд мөнгө идэх гэж албан тушаалд гарч, ард түмнээ дарамталдаг, үзэл бодлоо хүртэл худалдсан АН-ын удирдлагуудтай тэмцэх цаг болсон гэж мэдэгдсэн юм. АН-ын эдгээр гишүүд Н.Энхбаярын эрхийг хамгаалах гэж талбай дээр очиж жагс, 5 мянган төгрөг өгье гэж тохуурахдаг, гишүүдээ улс төрийн хүүхэлдэй болгон ашигладагт харамсаж, ичиж байгаагаа илэрхийлсэн юм. Монгол орныг цөлмөж дууссан дарга нараасаа ичиж байна хэмээн мэдэгдлээ.
Хэвлэлийн хуралд зарим гишүүд хүрэлцэн ирж АН-аас гарах гэж байгаагаа албан ёсоор мэдэгдсэн юм. Тэд “АН-ын жирийн гишүүдийн эсэргүүцлийн хөдөлгөөн”-ийг байгуулж байгаагаа мэдэгдлээ. АН-ыг 30 жил дэмжиж, энэ намд саналаа өгч, АН-ын төлөө ажиллаж байсан жирийн гишүүд Орон нутгийн сонгуулиар АН-д саналаа өгөхгүй байхыг уриалан, намаа цэвэрлэж авахын төлөө тууштай тэмцэнэ гэж мэдэгдсэн юм. АН-ын жирийн гишүүд мэдэгдэл гаргажээ. Энэ мэдэгдэлийг бүрэн эрхээр нь хүргэж байна.
