Дэлхийгээс 320 сая километрийн алсад байгаа эртний астероидын хөрснөөс дээж авчрах зорилготой сансрын хөлөг буцах замдаа орсныг NASA өчигдөр мэдээлжээ.
Bennu нэртэй уг астероид нарны аймаг бүрэлдэн бий болж байх үед буюу 4.5 тэрбум жилийн өмнө үүссэн тул шинжлэх ухаанд хэрэгтэй чухал мэдээлэл агуулж байгаа гэж үздэг. Өнгөрсөн долоо хоногт NASA-гийн Osiris-Rex хөлөг астероидын гадаргууд робот гарыг хэдхэн секунд хүргэхдээ хүчтэй даралтаар тоос шороо босгох замаар дээжийг “шүүрч” авсан юм.
Гэвч дээж цуглуулсан савны таганд чулуу тээглэсэн байж болзошгүйг энэ долоо хоногийн эхээр зарлаж байв. Хэрвээ ингэсэн бол цуглуулсан дээж гадагш алдагдаж, зорилго бүтэлгүйтэх байв.
Харин өчигдөр дээж цуглуулах савны таг бүрэн хаагдаж, Osiris-Rex хөлөг буцах замдаа ороход бэлэн болсныг NASA мэдээлжээ.
I’ve officially closed the Sample Return Capsule! The sample of Bennu is sealed inside and ready for our voyage back to Earth. The SRC will touch down in the Utah desert on Sep. 24, 2023. Thanks, everyone, for being a part of my journey #ToBennuAndBack pic.twitter.com/z75ITNiGBf
— NASA's OSIRIS-REx (@OSIRISREx) October 29, 2020
